Anas ibn Molik (roziyallohu anhu)dan rivoyat qilinadi: Urayna (qabilasi)dan boʻlgan baʼzi kishilar Rasululloh ﷺ huzurlariga, Madinaga keldilar. Soʻng (Madina havosi) ularga yoqmadi (kasal qildi). Shunda Rasululloh ﷺ ularga: «Agar istasangizlar, sadaqa tuyalari oldiga chiqib, ularning sutidan va siydigidan iching», dedilar. Ular shunday qildilar va sogʻaydilar. Soʻng ular choʻponlarga hujum qilib, ularni oʻldirdilar va Islomdan qaytib (murtad boʻlib) ketdilar hamda Rasululloh ﷺ ning tuyalarini haydab ketdilar. Bu (xabar) Nabiy ﷺ ga yetdi. U zot ularning izidan (odam) yubordilar va ularni olib kelishdi. Shunda u zot ularning qoʻl-oyoqlarini kestilar, koʻzlariga (qizdirilgan temir bilan) mil tortdilar va ularni Harra (toshloq dasht)da oʻlguncha tashlab qoʻydilar.Анас ибн Молик (розияллоҳу анҳу)дан ривоят қилинади: Урайна (қабиласи)дан бўлган баъзи кишилар Расулуллоҳ ﷺ ҳузурларига, Мадинага келдилар. Сўнг (Мадина ҳавоси) уларга ёқмади (касал қилди). Шунда Расулуллоҳ ﷺ уларга: «Агар истасангизлар, садақа туялари олдига чиқиб, уларнинг сутидан ва сийдигидан ичинг», дедилар. Улар шундай қилдилар ва соғайдилар. Сўнг улар чўпонларга ҳужум қилиб, уларни ўлдирдилар ва Исломдан қайтиб (муртад бўлиб) кетдилар ҳамда Расулуллоҳ ﷺ нинг туяларини ҳайдаб кетдилар. Бу (хабар) Набий ﷺ га етди. У зот уларнинг изидан (одам) юбордилар ва уларни олиб келишди. Шунда у зот уларнинг қўл-оёқларини кестилар, кўзларига (қиздирилган темир билан) мил тортдилар ва уларни Ҳарра (тошлоқ дашт)да ўлгунча ташлаб қўйдилар.