Anas ibn Molik (roziyallohu anhu)dan rivoyat qilinadi: Ukl (qabilasi)dan sakkiz kishi Rasululloh ﷺ huzurlariga keldilar va Islom uzra u zotga bayʼat qildilar. Soʻng (Madina) yeri ularga yoqmadi va badanlari kasal boʻlib qoldi. Ular buni Rasululloh ﷺ ga shikoyat qildilar. U zot: «Choʻponimiz bilan birga uning tuyalari oldiga chiqib, ularning siydigi va sutidan isteʼmol qilmaysizlarmi?» dedilar. Ular: «Ha (mayli)», dedilar. Soʻng ular chiqib, (tuyalar)ning siydigi va sutidan ichdilar va sogʻaydilar. Keyin choʻponni oʻldirib, tuyalarni haydab ketdilar. Bu (xabar) Rasululloh ﷺ ga yetdi. U zot ularning izidan (odam) yubordilar va ular topib olindilar hamda olib kelindi. U zot ular haqida buyruq berdilar, shunda ularning qoʻl-oyoqlari kesildi, koʻzlariga mil tortildi, soʻng quyoshda (issiqda) oʻlguncha tashlab qoʻyildi. Ibn as-Sabboh oʻz rivoyatida: «Va chorvani haydab ketdilar», dedi hamda: «Va koʻzlariga mil tortildi», dedi.Анас ибн Молик (розияллоҳу анҳу)дан ривоят қилинади: Укл (қабиласи)дан саккиз киши Расулуллоҳ ﷺ ҳузурларига келдилар ва Ислом узра у зотга байъат қилдилар. Сўнг (Мадина) ери уларга ёқмади ва баданлари касал бўлиб қолди. Улар буни Расулуллоҳ ﷺ га шикоят қилдилар. У зот: «Чўпонимиз билан бирга унинг туялари олдига чиқиб, уларнинг сийдиги ва сутидан истеъмол қилмайсизларми?» дедилар. Улар: «Ҳа (майли)», дедилар. Сўнг улар чиқиб, (туялар)нинг сийдиги ва сутидан ичдилар ва соғайдилар. Кейин чўпонни ўлдириб, туяларни ҳайдаб кетдилар. Бу (хабар) Расулуллоҳ ﷺ га етди. У зот уларнинг изидан (одам) юбордилар ва улар топиб олиндилар ҳамда олиб келинди. У зот улар ҳақида буйруқ бердилар, шунда уларнинг қўл-оёқлари кесилди, кўзларига мил тортилди, сўнг қуёшда (иссиқда) ўлгунча ташлаб қўйилди. Ибн ас-Саббоҳ ўз ривоятида: «Ва чорвани ҳайдаб кетдилар», деди ҳамда: «Ва кўзларига мил тортилди», деди.