Voil ibn Hujr (roziyallohu anhu)dan rivoyat qilinadi: Rasululloh ﷺ huzurlariga bir kishini oʻldirgan bir odam keltirildi. U zot oʻldirilgan kishining valiysini undan qasos olishga (yaʼni qotilni jazolashga) haqli qildilar. (Valiy) uni boʻyniga tasma solib, sudrab olib keta boshladi. U orqasiga oʻgirilganda Rasululloh ﷺ: «Qotil ham, oʻldirilgan ham (ikkalasi) doʻzaxdadir», — dedilar. Shunda bir kishi u (valiy) kishining oldiga borib, unga Rasululloh ﷺ ning bu soʻzlarini aytdi. Bas, u (qotilni) qoʻyib yubordi. Ismoil ibn Solim dedi: Men buni Habib ibn Abu Sobitga zikr qildim. U dedi: Menga Ibn Ashvaʼ hadis aytdiki, Nabiy ﷺ aslida u (valiy)dan (qotilni) afv qilishini soʻragan edilar, biroq u koʻnmagan edi.Воил ибн Ҳужр (розияллоҳу анҳу)дан ривоят қилинади: Расулуллоҳ ﷺ ҳузурларига бир кишини ўлдирган бир одам келтирилди. У зот ўлдирилган кишининг валийсини ундан қасос олишга (яъни қотилни жазолашга) ҳақли қилдилар. (Валий) уни бўйнига тасма солиб, судраб олиб кета бошлади. У орқасига ўгирилганда Расулуллоҳ ﷺ: «Қотил ҳам, ўлдирилган ҳам (иккаласи) дўзахдадир», — дедилар. Шунда бир киши у (валий) кишининг олдига бориб, унга Расулуллоҳ ﷺ нинг бу сўзларини айтди. Бас, у (қотилни) қўйиб юборди. Исмоил ибн Солим деди: Мен буни Ҳабиб ибн Абу Собитга зикр қилдим. У деди: Менга Ибн Ашваъ ҳадис айтдики, Набий ﷺ аслида у (валий)дан (қотилни) афв қилишини сўраган эдилар, бироқ у кўнмаган эди.