حَدَّثَنَا مُحَمَّدُ بْنُ الْمُثَنَّى، وَمُحَمَّدُ بْنُ بَشَّارٍ، - وَاللَّفْظُ لاِبْنِ الْمُثَنَّى - قَالاَ حَدَّثَنَا مُحَمَّدُ بْنُ جَعْفَرٍ، حَدَّثَنَا شُعْبَةُ، قَالَ سَمِعْتُ أَبَا إِسْحَاقَ، يُحَدِّثُ عَنْ عَمْرِو بْنِ مَيْمُونٍ، عَنْ عَبْدِ اللَّهِ، قَالَ بَيْنَمَا رَسُولُ اللَّهِ صلى الله عليه وسلم سَاجِدٌ وَحَوْلَهُ نَاسٌ مِنْ قُرَيْشٍ إِذْ جَاءَ عُقْبَةُ بْنُ أَبِي مُعَيْطٍ بِسَلاَ جَزُورٍ فَقَذَفَهُ عَلَى ظَهْرِ رَسُولِ اللَّهِ صلى الله عليه وسلم فَلَمْ يَرْفَعْ رَأْسَهُ فَجَاءَتْ فَاطِمَةُ فَأَخَذَتْهُ عَنْ ظَهْرِهِ وَدَعَتْ عَلَى مَنْ صَنَعَ ذَلِكَ فَقَالَ " اللَّهُمَّ عَلَيْكَ الْمَلأَ مِنْ قُرَيْشٍ أَبَا جَهْلِ بْنَ هِشَامٍ وَعُتْبَةَ بْنَ رَبِيعَةَ وَعُقْبَةَ بْنَ أَبِي مُعَيْطٍ وَشَيْبَةَ بْنَ رَبِيعَةَ وَأُمَيَّةَ بْنَ خَلَفٍ أَوْ أُبَىَّ بْنَ خَلَفٍ " . شُعْبَةُ الشَّاكُّ قَالَ فَلَقَدْ رَأَيْتُهُمْ قُتِلُوا يَوْمَ بَدْرٍ فَأُلْقُوا فِي بِئْرٍ غَيْرَ أَنَّ أُمَيَّةَ أَوْ أُبَيًّا تَقَطَّعَتْ أَوْصَالُهُ فَلَمْ يُلْقَ فِي الْبِئْرِ .
Abdulloh ibn Masʼud (roziyallohu anhu)dan rivoyat qilinadi: U dedi: Rasululloh ﷺ sajdada edilar, atroflarida quraysh kishilaridan baʼzilari (oʻtirgan) edi. Shunda Uqba ibn Abu Muayt tuyaning homilasini (ich-itini) olib kelib, uni Rasululloh ﷺ ning yelkalariga tashladi. U zot boshlarini koʻtarmadilar. Fotima kelib, uni u zotning yelkalaridan olib tashladi va buni qilgan kishiga (yomonlik tilab) duo qildi. Shunda u zot: «Ey Alloh! Qurayshning kattalari — Abu Jahl ibn Hishom, Utba ibn Robiʼa, Uqba ibn Abu Muayt, Shayba ibn Robiʼa va Umayya ibn Xalaf yoki Ubay ibn Xalafni (jazolash) Sening zimmangda», — dedilar. Shuʼba shubha qilguvchidir (yaʼni Umayya yoki Ubay ekanida shubha qildi). (Abdulloh) dedi: Men ularning Badr kuni oʻldirilib, bir quduqqa tashlanganini koʻrdim, faqat Umayya yoki Ubay — uning aʼzolari (boʻlaklarga) boʻlinib ketgani uchun quduqqa tashlanmadi.Абдуллоҳ ибн Масъуд (розияллоҳу анҳу)дан ривоят қилинади: У деди: Расулуллоҳ ﷺ саждада эдилар, атрофларида қурайш кишиларидан баъзилари (ўтирган) эди. Шунда Уқба ибн Абу Муайт туянинг ҳомиласини (ич-итини) олиб келиб, уни Расулуллоҳ ﷺ нинг елкаларига ташлади. У зот бошларини кўтармадилар. Фотима келиб, уни у зотнинг елкаларидан олиб ташлади ва буни қилган кишига (ёмонлик тилаб) дуо қилди. Шунда у зот: «Эй Аллоҳ! Қурайшнинг катталари — Абу Жаҳл ибн Ҳишом, Утба ибн Робиъа, Уқба ибн Абу Муайт, Шайба ибн Робиъа ва Умайя ибн Халаф ёки Убай ибн Халафни (жазолаш) Сенинг зиммангда», — дедилар. Шуъба шубҳа қилгувчидир (яъни Умайя ёки Убай эканида шубҳа қилди). (Абдуллоҳ) деди: Мен уларнинг Бадр куни ўлдирилиб, бир қудуққа ташланганини кўрдим, фақат Умайя ёки Убай — унинг аъзолари (бўлакларга) бўлиниб кетгани учун қудуққа ташланмади.