Abu Humayd as-Soidiy (roziyallohu anhu)dan rivoyat qilinadi: Rasululloh ﷺ Asd (qabilasi)dan Ibn al-Lutbiyya deb ataluvchi bir kishini sadaqa (zakot yigʻish) ustiga (ish bilan) tayinladilar. U (yigʻib) kelgach: «Bu sizlarniki, bu esa meniki, menga hadya qilingan», dedi. (Abu Humayd) dedi: shunda Rasululloh ﷺ minbar ustiga turib, Allohga hamd aytib, Uni maqtab, soʻng: «Men yuborgan amaldorga nima boʻldiki, u kelib: ‹Bu sizlarniki, bu esa menga hadya qilingan› deydi? U otasining uyida yoki onasining uyida oʻtirib, oʻziga hadya qilinar ekanmi yoki yoʻqmi — qarab tursa boʻlmasmidi? Muhammadning joni qoʻlida boʻlgan Zot ila qasamki, sizlardan birortangiz undan biror narsa olsa, albatta qiyomat kunida uni boʻyniga koʻtarib keladi — bu ovoz chiqaruvchi tuya yoki boʻkiruvchi sigir yoki maʼrovchi qoʻy boʻlur», dedilar. Soʻng qoʻllarini koʻtardilar, hatto biz qoʻltiqlarining oqligini koʻrdik. Soʻng: «Allohim, men yetkazdimmi?» deb ikki marta (takrorladilar).Абу Ҳумайд ас-Соидий (розияллоҳу анҳу)дан ривоят қилинади: Расулуллоҳ ﷺ Асд (қабиласи)дан Ибн ал-Лутбийя деб аталувчи бир кишини садақа (закот йиғиш) устига (иш билан) тайинладилар. У (йиғиб) келгач: «Бу сизларники, бу эса меники, менга ҳадя қилинган», деди. (Абу Ҳумайд) деди: шунда Расулуллоҳ ﷺ минбар устига туриб, Аллоҳга ҳамд айтиб, Уни мақтаб, сўнг: «Мен юборган амалдорга нима бўлдики, у келиб: ‹Бу сизларники, бу эса менга ҳадя қилинган› дейди? У отасининг уйида ёки онасининг уйида ўтириб, ўзига ҳадя қилинар эканми ёки йўқми — қараб турса бўлмасмиди? Муҳаммаднинг жони қўлида бўлган Зот ила қасамки, сизлардан бирортангиз ундан бирор нарса олса, албатта қиёмат кунида уни бўйнига кўтариб келади — бу овоз чиқарувчи туя ёки бўкирувчи сигир ёки маъровчи қўй бўлур», дедилар. Сўнг қўлларини кўтардилар, ҳатто биз қўлтиқларининг оқлигини кўрдик. Сўнг: «Аллоҳим, мен етказдимми?» деб икки марта (такрорладилар).