Adiy ibn Amira al-Kindiy (roziyallohu anhu)dan rivoyat qilinadi: Men Rasululloh ﷺ ni: «Sizlardan kimniki biz biror ishga (amaldor qilib) tayinlasak-u, u bizdan ignani yoki undan ortigʻini yashirsa, bu gʻulul (xiyonat) boʻlur; qiyomat kunida uni (koʻtarib) keladi», deganlarini eshitdim. (Adiy) dedi: shunda ansorlardan qora tanli bir kishi oʻrnidan turdi — goʻyo men hozir ham unga qarab turgandayman — va: «Yo Rasululloh, oʻz ishingizni mendan (qaytarib) oling», dedi. (Rasululloh): «Senga nima boʻldi?» dedilar. U: «Men sizni shunday-shunday deyayotganingizni eshitdim», dedi. (Rasululloh): «Men buni hozir ham aytaman: sizlardan kimniki biz biror ishga tayinlasak, u (oʻsha ishdan) ozini ham, koʻpini ham keltirsin; soʻng undan oʻziga berilganini olsin, qaytarilganidan esa toʻxtasin (uzoqlashsin)», dedilar.Адий ибн Амира ал-Киндий (розияллоҳу анҳу)дан ривоят қилинади: Мен Расулуллоҳ ﷺ ни: «Сизлардан кимники биз бирор ишга (амалдор қилиб) тайинласак-у, у биздан игнани ёки ундан ортиғини яширса, бу ғулул (хиёнат) бўлур; қиёмат кунида уни (кўтариб) келади», деганларини эшитдим. (Адий) деди: шунда ансорлардан қора танли бир киши ўрнидан турди — гўё мен ҳозир ҳам унга қараб тургандайман — ва: «Ё Расулуллоҳ, ўз ишингизни мендан (қайтариб) олинг», деди. (Расулуллоҳ): «Сенга нима бўлди?» дедилар. У: «Мен сизни шундай-шундай деяётганингизни эшитдим», деди. (Расулуллоҳ): «Мен буни ҳозир ҳам айтаман: сизлардан кимники биз бирор ишга тайинласак, у (ўша ишдан) озини ҳам, кўпини ҳам келтирсин; сўнг ундан ўзига берилганини олсин, қайтарилганидан эса тўхтасин (узоқлашсин)», дедилар.