حَدَّثَنِي زُهَيْرُ بْنُ حَرْبٍ، حَدَّثَنَا جَرِيرُ بْنُ عَبْدِ الْحَمِيدِ، عَنْ فُضَيْلِ بْنِ غَزْوَانَ، عَنْ أَبِي حَازِمٍ الأَشْجَعِيِّ، عَنْ أَبِي هُرَيْرَةَ، قَالَ جَاءَ رَجُلٌ إِلَى رَسُولِ اللَّهِ صلى الله عليه وسلم فَقَالَ إِنِّي مَجْهُودٌ . فَأَرْسَلَ إِلَى بَعْضِ نِسَائِهِ فَقَالَتْ وَالَّذِي بَعَثَكَ بِالْحَقِّ مَا عِنْدِي إِلاَّ مَاءٌ . ثُمَّ أَرْسَلَ إِلَى أُخْرَى فَقَالَتْ مِثْلَ ذَلِكَ حَتَّى قُلْنَ كُلُّهُنَّ مِثْلَ ذَلِكَ لاَ وَالَّذِي بَعَثَكَ بِالْحَقِّ مَا عِنْدِي إِلاَّ مَاءٌ . فَقَالَ " مَنْ يُضِيفُ هَذَا اللَّيْلَةَ رَحِمَهُ اللَّهُ " . فَقَامَ رَجُلٌ مِنَ الأَنْصَارِ فَقَالَ أَنَا يَا رَسُولَ اللَّهِ . فَانْطَلَقَ بِهِ إِلَى رَحْلِهِ فَقَالَ لاِمْرَأَتِهِ هَلْ عِنْدَكِ شَىْءٌ . قَالَتْ لاَ إِلاَّ قُوتُ صِبْيَانِي . قَالَ فَعَلِّلِيهِمْ بِشَىْءٍ فَإِذَا دَخَلَ ضَيْفُنَا فَأَطْفِئِي السِّرَاجَ وَأَرِيهِ أَنَّا نَأْكُلُ فَإِذَا أَهْوَى لِيَأْكُلَ فَقُومِي إِلَى السِّرَاجِ حَتَّى تُطْفِئِيهِ . قَالَ فَقَعَدُوا وَأَكَلَ الضَّيْفُ . فَلَمَّا أَصْبَحَ غَدَا عَلَى النَّبِيِّ صلى الله عليه وسلم فَقَالَ " قَدْ عَجِبَ اللَّهُ مِنْ صَنِيعِكُمَا بِضَيْفِكُمَا اللَّيْلَةَ " .
Abu Hurayra (roziyallohu anhu)dan rivoyat qilinadi: Bir kishi Rasululloh ﷺ ning oldilariga kelib: «Men juda ochman (kuchdan ketganman)», dedi. Shunda u zot ayollaridan biriga (odam) yubordilar. U (ayol): «Sizni haq bilan (paygʻambar qilib) yuborgan Zot bilan qasamki, mening oldimda suvdan boshqa hech narsa yoʻq», dedi. Soʻng u zot boshqasiga yubordilar, u ham xuddi shunday dedi. Nihoyat ularning hammasi ayni shunday: «Yoʻq, sizni haq bilan yuborgan Zot bilan qasamki, mening oldimda suvdan boshqa hech narsa yoʻq», dedilar. Shunda u zot: «Bu (mehmon)ni bu kecha kim mehmon qiladi? Alloh unga rahm qilsin», dedilar. Ansorlardan bir kishi turib: «Men, ey Rasululloh!» dedi. Soʻng u (mehmonni) oʻz uyiga olib bordi va xotiniga: «Oldingda biror narsa bormi?» dedi. U (ayol): «Yoʻq, faqat bolalarimning ozigʻidan boshqa», dedi. (Er): «Ularni biror narsa bilan ovutib (uxlatib qoʻy), mehmonimiz kirsa, chirogʻni oʻchir va unga biz ham yeyayotgandek koʻrsat. U yeyish uchun (qoʻlini) choʻzganda, chiroq oldiga borib uni oʻchirib qoʻy», dedi. (Rovi) dedi: Shunday qilib, ular oʻtirdilar va mehmon yedi. Tong otgach, u (ansoriy) Nabiy ﷺ ning oldilariga bordi. U zot: «Bu kecha mehmoningizga qilgan (ikkovingiz qilgan) ishingizdan Alloh hayratga keldi (rozi boʻldi)», dedilar.Абу Ҳурайра (розияллоҳу анҳу)дан ривоят қилинади: Бир киши Расулуллоҳ ﷺ нинг олдиларига келиб: «Мен жуда очман (кучдан кетганман)», деди. Шунда у зот аёлларидан бирига (одам) юбордилар. У (аёл): «Сизни ҳақ билан (пайғамбар қилиб) юборган Зот билан қасамки, менинг олдимда сувдан бошқа ҳеч нарса йўқ», деди. Сўнг у зот бошқасига юбордилар, у ҳам худди шундай деди. Ниҳоят уларнинг ҳаммаси айни шундай: «Йўқ, сизни ҳақ билан юборган Зот билан қасамки, менинг олдимда сувдан бошқа ҳеч нарса йўқ», дедилар. Шунда у зот: «Бу (меҳмон)ни бу кеча ким меҳмон қилади? Аллоҳ унга раҳм қилсин», дедилар. Ансорлардан бир киши туриб: «Мен, эй Расулуллоҳ!» деди. Сўнг у (меҳмонни) ўз уйига олиб борди ва хотинига: «Олдингда бирор нарса борми?» деди. У (аёл): «Йўқ, фақат болаларимнинг озиғидан бошқа», деди. (Эр): «Уларни бирор нарса билан овутиб (ухлатиб қўй), меҳмонимиз кирса, чироғни ўчир ва унга биз ҳам еяётгандек кўрсат. У ейиш учун (қўлини) чўзганда, чироқ олдига бориб уни ўчириб қўй», деди. (Рови) деди: Шундай қилиб, улар ўтирдилар ва меҳмон еди. Тонг отгач, у (ансорий) Набий ﷺ нинг олдиларига борди. У зот: «Бу кеча меҳмонингизга қилган (икковингиз қилган) ишингиздан Аллоҳ ҳайратга келди (рози бўлди)», дедилар.