وَحَدَّثَنَا هَارُونُ بْنُ مَعْرُوفٍ، حَدَّثَنَا ابْنُ وَهْبٍ، حَدَّثَنَا عَمْرُو بْنُ الْحَارِثِ، أَنَّ بُكَيْرًا، حَدَّثَهُ أَنَّ عَبْدَ الرَّحْمَنِ بْنَ الْقَاسِمِ حَدَّثَهُ أَنَّ أَبَاهُ حَدَّثَهُ عَنْ عَائِشَةَ، زَوْجِ النَّبِيِّ صلى الله عليه وسلم أَنَّهَا نَصَبَتْ سِتْرًا فِيهِ تَصَاوِيرُ فَدَخَلَ رَسُولُ اللَّهِ صلى الله عليه وسلم فَنَزَعَهُ قَالَتْ فَقَطَعْتُهُ وِسَادَتَيْنِ . فَقَالَ رَجُلٌ فِي الْمَجْلِسِ حِينَئِذٍ يُقَالُ لَهُ رَبِيعَةُ بْنُ عَطَاءٍ مَوْلَى بَنِي زُهْرَةَ أَفَمَا سَمِعْتَ أَبَا مُحَمَّدٍ يَذْكُرُ أَنَّ عَائِشَةَ قَالَتْ فَكَانَ رَسُولُ اللَّهِ صلى الله عليه وسلم يَرْتَفِقُ عَلَيْهِمَا قَالَ ابْنُ الْقَاسِمِ لاَ . قَالَ لَكِنِّي قَدْ سَمِعْتُهُ . يُرِيدُ الْقَاسِمَ بْنَ مُحَمَّدٍ .
Nabiy ﷺ ning rafiqalari Oisha (roziyallohu anho)dan rivoyat qilinadi: Oisha suratlar tushirilgan bir pardani osib qoʻyibdi. Shunda Rasululloh ﷺ kirib keldilar va uni yulib tashladilar. Oisha aytadi: Men uni kesib, ikkita yostiq qildim. Oʻsha majlisda boʻlgan Banu Zuhraning ozod qilingan quli Rabiʼa ibn Ato deydigan bir kishi: «Abu Muhammad Oishaning: ‹Rasululloh ﷺ oʻsha (ikki yostiq)ga suyanib oʻtirar edilar›, — deganini zikr qilganini eshitmadingmi?» — dedi. Ibn al-Qosim: «Yoʻq», — dedi. (Haligi kishi:) «Lekin men uni eshitganman», — dedi. (Buni aytib) u Qosim ibn Muhammadni nazarda tutdi.Набий ﷺ нинг рафиқалари Оиша (розияллоҳу анҳо)дан ривоят қилинади: Оиша суратлар туширилган бир пардани осиб қўйибди. Шунда Расулуллоҳ ﷺ кириб келдилар ва уни юлиб ташладилар. Оиша айтади: Мен уни кесиб, иккита ёстиқ қилдим. Ўша мажлисда бўлган Бану Зуҳранинг озод қилинган қули Рабиъа ибн Ато дейдиган бир киши: «Абу Муҳаммад Оишанинг: ‹Расулуллоҳ ﷺ ўша (икки ёстиқ)га суяниб ўтирар эдилар›, — деганини зикр қилганини эшитмадингми?» — деди. Ибн ал-Қосим: «Йўқ», — деди. (Ҳалиги киши:) «Лекин мен уни эшитганман», — деди. (Буни айтиб) у Қосим ибн Муҳаммадни назарда тутди.