Oisha (roziyallohu anho)dan rivoyat qilinadi: Oisha suratlar tushirilgan bir koʻrpacha sotib olibdi. Rasululloh ﷺ uni koʻrgach, eshik oldida toʻxtab, ichkari kirmadilar. Men u zotning yuzlarida (bu narsani) yoqtirmaslik (alomatini) bildim — yoki bildirildi. Shunda Oisha: «Yo Rasululloh! Men Allohga va Uning Rasuliga tavba qilaman, axir men nima gunoh qildim?» — dedi. Rasululloh ﷺ: «Bu koʻrpachaning sababi nima?» — dedilar. U: «Men buni siz uchun, ustiga oʻtirib, yostiq qilib suyanasiz deb sotib oldim», — dedi. Rasululloh ﷺ: «Albatta, bu suratlarning egalari azoblanadilar va ularga: ‹Oʻzlaringiz yaratgan narsalarni tiriltiringlar!› — deyiladi», — dedilar. Soʻng: «Albatta, ichida suratlar boʻlgan uyga farishtalar kirmaydi», — dedilar.Оиша (розияллоҳу анҳо)дан ривоят қилинади: Оиша суратлар туширилган бир кўрпача сотиб олибди. Расулуллоҳ ﷺ уни кўргач, эшик олдида тўхтаб, ичкари кирмадилар. Мен у зотнинг юзларида (бу нарсани) ёқтирмаслик (аломатини) билдим — ёки билдирилди. Шунда Оиша: «Ё Расулуллоҳ! Мен Аллоҳга ва Унинг Расулига тавба қиламан, ахир мен нима гуноҳ қилдим?» — деди. Расулуллоҳ ﷺ: «Бу кўрпачанинг сабаби нима?» — дедилар. У: «Мен буни сиз учун, устига ўтириб, ёстиқ қилиб суянасиз деб сотиб олдим», — деди. Расулуллоҳ ﷺ: «Албатта, бу суратларнинг эгалари азобланадилар ва уларга: ‹Ўзларингиз яратган нарсаларни тирилтиринглар!› — дейилади», — дедилар. Сўнг: «Албатта, ичида суратлар бўлган уйга фаришталар кирмайди», — дедилар.