Nabiy ﷺ ning zavjalari Oisha (roziyallohu anho)dan rivoyat qilinadiki, u suratlar solingan bir yostiq (yopincho) sotib oldi. Rasululloh ﷺ uni koʻrganlarida, eshik oldida toʻxtab, (ichkariga) kirmadilar. Oisha ularning yuzida norozilikni (karohatni) sezdi-da: «Yo Rasululloh, Allohga va Uning Rasuliga tavba qilaman, men nima gunoh qildim?», dedi. Rasululloh ﷺ: «Bu yostiqning ahvoli nima (nega bu yerda)?», dedilar. U: «Uni sizga oʻtirib, suyanib olishingiz uchun sotib oldim», dedi. Rasululloh ﷺ: «Bu suratlarni (yasagan)lar Qiyomat kunida azoblanadi, ularga: ‹Yaratgan narsalaringizga jon beringlar-chi!›, deyiladi», dedilar. Soʻng: «Albatta, ichida suratlar boʻlgan uyga farishtalar kirmaydi», dedilar.Набий ﷺ нинг завжалари Оиша (розияллоҳу анҳо)дан ривоят қилинадики, у суратлар солинган бир ёстиқ (ёпинчо) сотиб олди. Расулуллоҳ ﷺ уни кўрганларида, эшик олдида тўхтаб, (ичкарига) кирмадилар. Оиша уларнинг юзида норозиликни (кароҳатни) сезди-да: «Ё Расулуллоҳ, Аллоҳга ва Унинг Расулига тавба қиламан, мен нима гуноҳ қилдим?», деди. Расулуллоҳ ﷺ: «Бу ёстиқнинг аҳволи нима (нега бу ерда)?», дедилар. У: «Уни сизга ўтириб, суяниб олишингиз учун сотиб олдим», деди. Расулуллоҳ ﷺ: «Бу суратларни (ясаган)лар Қиёмат кунида азобланади, уларга: ‹Яратган нарсаларингизга жон беринглар-чи!›, дейилади», дедилар. Сўнг: «Албатта, ичида суратлар бўлган уйга фаришталар кирмайди», дедилар.