Sulaymon ibn Yasor (rahimahulloh)dan rivoyat qilinadiki, u dedi: «Rasululloh ﷺ Maymuna bint al-Horisning uyiga kirdilar. U yerda ichida tuxum boʻlgan kesartakalar (zabblar) bor edi. U zot bilan birga Abdulloh ibn Abbos va Xolid ibn al-Valid ham bor edi. U zot: ‹Bu sizlarga qaydan?›, dedilar. Maymuna: ‹Buni menga singlim Huzayla bint al-Horis hadya qildi›, dedi. U zot Abdulloh ibn Abbos va Xolid ibn al-Validga: ‹Ikkovingiz yenglar›, dedilar. Ular: ‹Oʻzingiz yemaysizmi, yo Rasululloh?›, deyishdi. U zot: ‹Menga Allohdan (keladigan) bir hozir boʻluvchi (farishta) hozir boʻlib turibdi›, dedilar. Maymuna: ‹Sizga bizdagi sutdan ichiraylikmi, yo Rasululloh?›, dedi. U zot: ‹Ha›, dedilar. Ichib boʻlgach: ‹Bu sizlarga qaydan?›, dedilar. U: ‹Buni menga singlim Huzayla hadya qildi›, dedi. Rasululloh ﷺ: ‹Ozod qilish haqida mendan izn soʻragan choʻringni (esla) — uni singlingga ber va shu (yaxshilik) orqali qarindoshlik rishtasini ula, u (choʻri) unga qarasin; bu sen uchun yaxshiroqdir›, dedilar».Сулаймон ибн Ясор (раҳимаҳуллоҳ)дан ривоят қилинадики, у деди: «Расулуллоҳ ﷺ Маймуна бинт ал-Ҳориснинг уйига кирдилар. У ерда ичида тухум бўлган кесартакалар (забблар) бор эди. У зот билан бирга Абдуллоҳ ибн Аббос ва Холид ибн ал-Валид ҳам бор эди. У зот: ‹Бу сизларга қайдан?›, дедилар. Маймуна: ‹Буни менга синглим Ҳузайла бинт ал-Ҳорис ҳадя қилди›, деди. У зот Абдуллоҳ ибн Аббос ва Холид ибн ал-Валидга: ‹Икковингиз енглар›, дедилар. Улар: ‹Ўзингиз емайсизми, ё Расулуллоҳ?›, дейишди. У зот: ‹Менга Аллоҳдан (келадиган) бир ҳозир бўлувчи (фаришта) ҳозир бўлиб турибди›, дедилар. Маймуна: ‹Сизга биздаги сутдан ичирайликми, ё Расулуллоҳ?›, деди. У зот: ‹Ҳа›, дедилар. Ичиб бўлгач: ‹Бу сизларга қайдан?›, дедилар. У: ‹Буни менга синглим Ҳузайла ҳадя қилди›, деди. Расулуллоҳ ﷺ: ‹Озод қилиш ҳақида мендан изн сўраган чўрингни (эсла) — уни синглингга бер ва шу (яхшилик) орқали қариндошлик риштасини ула, у (чўри) унга қарасин; бу сен учун яхшироқдир›, дедилар».