Ubaydulloh ibn Abdulloh ibn Utba ibn Masʼud (rahimahulloh)dan rivoyat qilinadiki, u Abu Talha al-Ansoriy (roziyallohu anhu)ni kasal boʻlganida yoʻqlab kirdi. U dedi: «Uning huzurida Sahl ibn Hunayf (roziyallohu anhu)ni topdim. Abu Talha bir kishini chaqirib, ostidan bir toʻshak (namat)ni tortib oldirdi. Sahl ibn Hunayf unga: ‹Nega uni oldiryapsan?›, dedi. U: ‹Chunki unda suratlar bor, Rasululloh ﷺ esa ular haqida sen bilgan narsani aytganlar›, dedi. Sahl: ‹Rasululloh ﷺ: «Faqat matoga (toʻqib) chizilgan naqsh (raqm) mustasno», demaganmidilar?›, dedi. U: ‹Ha, (aytgan edilar), lekin bu (uni olib tashlash) mening koʻnglimga yoqimliroq (halovatliroq)›, dedi».Убайдуллоҳ ибн Абдуллоҳ ибн Утба ибн Масъуд (раҳимаҳуллоҳ)дан ривоят қилинадики, у Абу Талҳа ал-Ансорий (розияллоҳу анҳу)ни касал бўлганида йўқлаб кирди. У деди: «Унинг ҳузурида Саҳл ибн Ҳунайф (розияллоҳу анҳу)ни топдим. Абу Талҳа бир кишини чақириб, остидан бир тўшак (намат)ни тортиб олдирди. Саҳл ибн Ҳунайф унга: ‹Нега уни олдиряпсан?›, деди. У: ‹Чунки унда суратлар бор, Расулуллоҳ ﷺ эса улар ҳақида сен билган нарсани айтганлар›, деди. Саҳл: ‹Расулуллоҳ ﷺ: «Фақат матога (тўқиб) чизилган нақш (рақм) мустасно», демаганмидилар?›, деди. У: ‹Ҳа, (айтган эдилар), лекин бу (уни олиб ташлаш) менинг кўнглимга ёқимлироқ (ҳаловатлироқ)›, деди».