Abu Hurayra (roziyallohu anhu)dan rivoyat qilinadi: Oʻlim farishtasi Muso alayhissalomning oldiga yuborildi. (Farishta) uning oldiga kelganida, (Muso) uni urib, koʻzini chiqarib yubordi. (Farishta) Robbisiga qaytib: «Sen meni oʻlimni istamaydigan bandaning oldiga yuboribsan», — dedi. Shunda Alloh unga (farishtaga) koʻzini qaytarib berdi va: «Uning oldiga qayt va unga ayt: qoʻlini bir hoʻkizning beliga qoʻysin. Qoʻli yopgan har bir tukka evaziga unga (umridan) bir yil (qoʻshiladi)», — dedi. (Muso): «Ey Robbim, soʻng nima boʻladi?» — dedi. (Alloh:) «Soʻng oʻlim», — dedi. (Muso:) «Unday boʻlsa, hozir (oʻlsam yaxshi)», — dedi va Allohdan oʻzini muqaddas yerga bir tosh otimicha yaqinlashtirishini soʻradi. Shunda Rasululloh ﷺ: «Agar men oʻsha yerda boʻlganimda, sizlarga uning yoʻl chetidagi, qizil tepalik tagidagi qabrini koʻrsatgan boʻlardim», — dedilar.Абу Ҳурайра (розияллоҳу анҳу)дан ривоят қилинади: Ўлим фариштаси Мусо алайҳиссаломнинг олдига юборилди. (Фаришта) унинг олдига келганида, (Мусо) уни уриб, кўзини чиқариб юборди. (Фаришта) Роббисига қайтиб: «Сен мени ўлимни истамайдиган банданинг олдига юборибсан», — деди. Шунда Аллоҳ унга (фариштага) кўзини қайтариб берди ва: «Унинг олдига қайт ва унга айт: қўлини бир ҳўкизнинг белига қўйсин. Қўли ёпган ҳар бир тукка эвазига унга (умридан) бир йил (қўшилади)», — деди. (Мусо): «Эй Роббим, сўнг нима бўлади?» — деди. (Аллоҳ:) «Сўнг ўлим», — деди. (Мусо:) «Ундай бўлса, ҳозир (ўлсам яхши)», — деди ва Аллоҳдан ўзини муқаддас ерга бир тош отимича яқинлаштиришини сўради. Шунда Расулуллоҳ ﷺ: «Агар мен ўша ерда бўлганимда, сизларга унинг йўл четидаги, қизил тепалик тагидаги қабрини кўрсатган бўлардим», — дедилар.