حَدَّثَنَا مُحَمَّدُ بْنُ الْمُثَنَّى الْعَنَزِيُّ، حَدَّثَنَا ابْنُ أَبِي عَدِيٍّ، عَنْ عُثْمَانَ بْنِ غِيَاثٍ، عَنْ أَبِي عُثْمَانَ النَّهْدِيِّ، عَنْ أَبِي مُوسَى الأَشْعَرِيِّ، قَالَ بَيْنَمَا رَسُولُ اللَّهِ صلى الله عليه وسلم فِي حَائِطٍ مِنْ حَائِطِ الْمَدِينَةِ وَهُوَ مُتَّكِئٌ يَرْكُزُ بِعُودٍ مَعَهُ بَيْنَ الْمَاءِ وَالطِّينِ إِذَا اسْتَفْتَحَ رَجُلٌ فَقَالَ " افْتَحْ وَبَشِّرْهُ بِالْجَنَّةِ " . قَالَ فَإِذَا أَبُو بَكْرٍ فَفَتَحْتُ لَهُ وَبَشَّرْتُهُ بِالْجَنَّةِ - قَالَ - ثُمَّ اسْتَفْتَحَ رَجُلٌ آخَرُ فَقَالَ " افْتَحْ وَبَشِّرْهُ بِالْجَنَّةِ " . قَالَ فَذَهَبْتُ فَإِذَا هُوَ عُمَرُ فَفَتَحْتُ لَهُ وَبَشَّرْتُهُ بِالْجَنَّةِ ثُمَّ اسْتَفْتَحَ رَجُلٌ آخَرُ - قَالَ - فَجَلَسَ النَّبِيُّ صلى الله عليه وسلم فَقَالَ " افْتَحْ وَبَشِّرْهُ بِالْجَنَّةِ عَلَى بَلْوَى تَكُونُ " . قَالَ فَذَهَبْتُ فَإِذَا هُوَ عُثْمَانُ بْنُ عَفَّانَ - قَالَ - فَفَتَحْتُ وَبَشَّرْتُهُ بِالْجَنَّةِ - قَالَ - وَقُلْتُ الَّذِي قَالَ فَقَالَ اللَّهُمَّ صَبْرًا أَوِ اللَّهُ الْمُسْتَعَانُ .
Abu Muso al-Ashʼariy (roziyallohu anhu)dan rivoyat qilinadi: Rasululloh ﷺ Madina bogʻlaridan birida yonboshlab oʻtirgan, oʻzlari bilan boʻlgan bir tayoqcha ila suv bilan loy orasini titkilab turgan edilar. Shu payt bir kishi (darvozani) ochishni soʻradi. U zot: «(Darvozani) och va unga jannat bilan xushxabar ber», — dedilar. (Abu Muso) dedi: Qarasam, Abu Bakr ekan. Men unga (darvozani) ochib, jannat bilan xushxabar berdim. Soʻng yana boshqa bir kishi (darvozani) ochishni soʻradi. U zot: «(Darvozani) och va unga jannat bilan xushxabar ber», — dedilar. (Abu Muso) dedi: Bordim, qarasam, Umar ekan. Men unga (darvozani) ochib, jannat bilan xushxabar berdim. Soʻng yana boshqa bir kishi (darvozani) ochishni soʻradi. (Abu Muso) dedi: Nabiy ﷺ oʻtirib oldilar-da: «(Darvozani) och va unga — yetadigan bir balo (sinov) ortidan — jannat bilan xushxabar ber», — dedilar. (Abu Muso) dedi: Bordim, qarasam, Usmon ibn Affon ekan. Men (darvozani) ochib, unga jannat bilan xushxabar berdim va (Nabiy ﷺ) aytgan gapni unga aytdim. Shunda u: «Allohim, sabr (ato et)», yoki «Yordam soʻraladigan Zot Allohdir», — dedi.Абу Мусо ал-Ашъарий (розияллоҳу анҳу)дан ривоят қилинади: Расулуллоҳ ﷺ Мадина боғларидан бирида ёнбошлаб ўтирган, ўзлари билан бўлган бир таёқча ила сув билан лой орасини титкилаб турган эдилар. Шу пайт бир киши (дарвозани) очишни сўради. У зот: «(Дарвозани) оч ва унга жаннат билан хушхабар бер», — дедилар. (Абу Мусо) деди: Қарасам, Абу Бакр экан. Мен унга (дарвозани) очиб, жаннат билан хушхабар бердим. Сўнг яна бошқа бир киши (дарвозани) очишни сўради. У зот: «(Дарвозани) оч ва унга жаннат билан хушхабар бер», — дедилар. (Абу Мусо) деди: Бордим, қарасам, Умар экан. Мен унга (дарвозани) очиб, жаннат билан хушхабар бердим. Сўнг яна бошқа бир киши (дарвозани) очишни сўради. (Абу Мусо) деди: Набий ﷺ ўтириб олдилар-да: «(Дарвозани) оч ва унга — етадиган бир бало (синов) ортидан — жаннат билан хушхабар бер», — дедилар. (Абу Мусо) деди: Бордим, қарасам, Усмон ибн Аффон экан. Мен (дарвозани) очиб, унга жаннат билан хушхабар бердим ва (Набий ﷺ) айтган гапни унга айтдим. Шунда у: «Аллоҳим, сабр (ато эт)», ёки «Ёрдам сўраладиган Зот Аллоҳдир», — деди.