Anas ibn Molik (roziyallohu anhu)dan rivoyat qilinadi: Onam Ummu Anas meni Rasululloh ﷺ huzurlariga olib keldi. U menga roʻmolining yarmidan izor (belbogʻ) qilib bogʻlagan, yarmi bilan ustimni yopgan edi. U: «Yo Rasululloh, bu mening oʻgʻlim Unays. Sizga xizmat qilsin deb uni olib keldim. Uning haqiga Allohga duo qiling», — dedi. Shunda u zot: «Yo Alloh, uning molini va farzandini koʻpaytirgin», — dedilar. Anas dedi: Allohga qasamki, mening molim juda koʻp, farzandlarim va nabiralarim bugun yuztaga yaqin sanaladi.Анас ибн Молик (розияллоҳу анҳу)дан ривоят қилинади: Онам Умму Анас мени Расулуллоҳ ﷺ ҳузурларига олиб келди. У менга рўмолининг ярмидан изор (белбоғ) қилиб боғлаган, ярми билан устимни ёпган эди. У: «Ё Расулуллоҳ, бу менинг ўғлим Унайс. Сизга хизмат қилсин деб уни олиб келдим. Унинг ҳақига Аллоҳга дуо қилинг», — деди. Шунда у зот: «Ё Аллоҳ, унинг молини ва фарзандини кўпайтиргин», — дедилар. Анас деди: Аллоҳга қасамки, менинг молим жуда кўп, фарзандларим ва набираларим бугун юзтага яқин саналади.