Oisha (roziyallohu anho)dan rivoyat qilinadi: Masruq aytadi: Men Oishaning huzuriga kirdim, uning yonida Hasson ibn Sobit bor edi, u Oishaga oʻzining baytlarini (sheʼrida) madh etib aytayotgan edi. U: «(U) iffatli, vazmin (ayoldir), unga shubha bilan ayb qoʻyilmaydi; u gʻofil (ayollar) ning goʻshtidan (gʻiybatidan) och holida tongni qarshilaydi», dedi. Shunda Oisha unga: «Lekin sen unday emassan», dedi. Masruq dedi: Men unga: «U sening huzuringga kirishiga nega ruxsat berasan, axir Alloh: {Ulardan (ifk-buhtonni) tarqatishda eng katta ulushni oʻz boʻyniga olgan kimsaga ulkan azob bordir} (Nur 11), degan-ku?» dedim. Shunda (Oisha): «Koʻrlikdan ham qattiqroq qanaqa azob bor? U Rasululloh ﷺ ni (sheʼrlari bilan) himoya qilar — yoki: hajv (bilan javob) qilar — edi», dedi.Оиша (розияллоҳу анҳо)дан ривоят қилинади: Масруқ айтади: Мен Оишанинг ҳузурига кирдим, унинг ёнида Ҳассон ибн Собит бор эди, у Оишага ўзининг байтларини (шеърида) мадҳ этиб айтаётган эди. У: «(У) иффатли, вазмин (аёлдир), унга шубҳа билан айб қўйилмайди; у ғофил (аёллар) нинг гўштидан (ғийбатидан) оч ҳолида тонгни қаршилайди», деди. Шунда Оиша унга: «Лекин сен ундай эмассан», деди. Масруқ деди: Мен унга: «У сенинг ҳузурингга киришига нега рухсат берасан, ахир Аллоҳ: {Улардан (ифк-буҳтонни) тарқатишда энг катта улушни ўз бўйнига олган кимсага улкан азоб бордир} (Нур 11), деган-ку?» дедим. Шунда (Оиша): «Кўрликдан ҳам қаттиқроқ қанақа азоб бор? У Расулуллоҳ ﷺ ни (шеърлари билан) ҳимоя қилар — ёки: ҳажв (билан жавоб) қилар — эди», деди.