Abu Usayd al-Ansoriy (roziyallohu anhu)dan rivoyat qilinadi: Rasululloh ﷺ: «Ansorlarning eng yaxshi xonadonlari — Banu Najjor, soʻng Banu Abdulashhal, soʻng Banu Horis ibn Xazraj, soʻng Banu Soidadir; ansorlarning har bir xonadonida esa yaxshilik bordir», — dedilar. Abu Salama dedi: Abu Usayd dedi: «Men Rasululloh ﷺ ustidan (yolgʻon gapirmoqdami deb) ayblanyapmanmi? Agar yolgʻonchi boʻlganimda, oʻz qavmim Banu Soidadan boshlagan boʻlardim», (dedi). Bu (xabar) Saʼd ibn Ubodaga yetib bordi va u koʻngliga ogʻir oldi-da: «Biz orqada qoldirildik, toʻrttaning oxirgisi boʻldik. Eshagimni egarlanglar, Rasululloh ﷺ huzurlariga boraman», — dedi. Shunda uning jiyani Sahl unga gapirib: «Rasululloh ﷺ ga eʼtiroz qaytargani borasanmi? Holbuki Rasululloh ﷺ (bundan) eng yaxshi biluvchidirlar. Toʻrttaning toʻrtinchisi boʻlganing senga kifoya emasmi?» — dedi. Shunda u qaytib: «Alloh va Uning Rasuli yaxshiroq biluvchidirlar», — dedi va eshagi haqida buyurdi, undan (egar) yechib olindi.Абу Усайд ал-Ансорий (розияллоҳу анҳу)дан ривоят қилинади: Расулуллоҳ ﷺ: «Ансорларнинг энг яхши хонадонлари — Бану Нажжор, сўнг Бану Абдулашҳал, сўнг Бану Ҳорис ибн Хазраж, сўнг Бану Соидадир; ансорларнинг ҳар бир хонадонида эса яхшилик бордир», — дедилар. Абу Салама деди: Абу Усайд деди: «Мен Расулуллоҳ ﷺ устидан (ёлғон гапирмоқдами деб) айбланяпманми? Агар ёлғончи бўлганимда, ўз қавмим Бану Соидадан бошлаган бўлардим», (деди). Бу (хабар) Саъд ибн Убодага етиб борди ва у кўнглига оғир олди-да: «Биз орқада қолдирилдик, тўрттанинг охиргиси бўлдик. Эшагимни эгарланглар, Расулуллоҳ ﷺ ҳузурларига бораман», — деди. Шунда унинг жияни Саҳл унга гапириб: «Расулуллоҳ ﷺ га эътироз қайтаргани борасанми? Ҳолбуки Расулуллоҳ ﷺ (бундан) энг яхши билувчидирлар. Тўрттанинг тўртинчиси бўлганинг сенга кифоя эмасми?» — деди. Шунда у қайтиб: «Аллоҳ ва Унинг Расули яхшироқ билувчидирлар», — деди ва эшаги ҳақида буюрди, ундан (эгар) ечиб олинди.