حَدَّثَنَا سَعِيدُ بْنُ عَمْرٍو الأَشْعَثِيُّ، أَخْبَرَنَا عَبْثَرٌ، عَنْ مُطَرِّفٍ، عَنْ عَامِرٍ، عَنْ شُرَيْحِ، بْنِ هَانِئٍ عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم " مَنْ أَحَبَّ لِقَاءَ اللَّهِ أَحَبَّ اللَّهُ لِقَاءَهُ وَمَنْ كَرِهَ لِقَاءَ اللَّهِ كَرِهَ اللَّهُ لِقَاءَهُ " . قَالَ فَأَتَيْتُ عَائِشَةَ فَقُلْتُ يَا أُمَّ الْمُؤْمِنِينَ سَمِعْتُ أَبَا هُرَيْرَةَ يَذْكُرُ عَنْ رَسُولِ اللَّهِ صلى الله عليه وسلم حَدِيثًا إِنْ كَانَ كَذَلِكَ فَقَدْ هَلَكْنَا . فَقَالَتْ إِنَّ الْهَالِكَ مَنْ هَلَكَ بِقَوْلِ رَسُولِ اللَّهِ صلى الله عليه وسلم وَمَا ذَاكَ قَالَ قَالَ رَسُولُ اللَّهِ صلى الله عليه وسلم " مَنْ أَحَبَّ لِقَاءَ اللَّهِ أَحَبَّ اللَّهُ لِقَاءَهُ وَمَنْ كَرِهَ لِقَاءَ اللَّهِ كَرِهَ اللَّهُ لِقَاءَهُ " . وَلَيْسَ مِنَّا أَحَدٌ إِلاَّ وَهُوَ يَكْرَهُ الْمَوْتَ . فَقَالَتْ قَدْ قَالَهُ رَسُولُ اللَّهِ صلى الله عليه وسلم وَلَيْسَ بِالَّذِي تَذْهَبُ إِلَيْهِ وَلَكِنْ إِذَا شَخَصَ الْبَصَرُ وَحَشْرَجَ الصَّدْرُ وَاقْشَعَرَّ الْجِلْدُ وَتَشَنَّجَتِ الأَصَابِعُ فَعِنْدَ ذَلِكَ مَنْ أَحَبَّ لِقَاءَ اللَّهِ أَحَبَّ اللَّهُ لِقَاءَهُ وَمَنْ كَرِهَ لِقَاءَ اللَّهِ كَرِهَ اللَّهُ لِقَاءَهُ .
Abu Hurayra (roziyallohu anhu)dan rivoyat qilinadi: Rasululloh ﷺ: «Kim Allohga roʻbaroʻ boʻlishni yoqtirsa, Alloh ham unga roʻbaroʻ boʻlishni yoqtiradi. Kim Allohga roʻbaroʻ boʻlishni yomon koʻrsa, Alloh ham unga roʻbaroʻ boʻlishni yomon koʻradi», — dedilar. (Shurayh) dedi: Soʻng men Oishaning oldiga keldim-da: «Ey moʻminlarning onasi! Men Abu Hurayraning Rasululloh ﷺ dan bir hadis zikr qilayotganini eshitdim. Agar shunday boʻlsa, biz halok boʻlibmiz», — dedim. Shunda u: «Halok boʻladigan kishi Rasululloh ﷺ ning soʻzi sababli halok boʻlgan kishidir. U (hadis) nima ekan?» dedi. (Shurayh) dedi: «Rasululloh ﷺ: ‹Kim Allohga roʻbaroʻ boʻlishni yoqtirsa, Alloh ham unga roʻbaroʻ boʻlishni yoqtiradi. Kim Allohga roʻbaroʻ boʻlishni yomon koʻrsa, Alloh ham unga roʻbaroʻ boʻlishni yomon koʻradi›, — dedilar. Holbuki, ichimizdan oʻlimni yomon koʻrmaydigan birorta ham yoʻq», — dedim. Shunda u: «Buni Rasululloh ﷺ aytganlar, lekin sen tushunayotganday emas. Balki (gap shuki), koʻz tikilib qolsa, koʻkrak xirillasa, teri junjikib gʻalgʻal boʻlsa va barmoqlar tirishsa — ana oʻsha (oʻlim) chogʻida: kim Allohga roʻbaroʻ boʻlishni yoqtirsa, Alloh ham unga roʻbaroʻ boʻlishni yoqtiradi; kim Allohga roʻbaroʻ boʻlishni yomon koʻrsa, Alloh ham unga roʻbaroʻ boʻlishni yomon koʻradi», — dedi.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Ким Аллоҳга рўбарў бўлишни ёқтирса, Аллоҳ ҳам унга рўбарў бўлишни ёқтиради. Ким Аллоҳга рўбарў бўлишни ёмон кўрса, Аллоҳ ҳам унга рўбарў бўлишни ёмон кўради», — дедилар. (Шурайҳ) деди: Сўнг мен Оишанинг олдига келдим-да: «Эй мўминларнинг онаси! Мен Абу Ҳурайранинг Расулуллоҳ ﷺ дан бир ҳадис зикр қилаётганини эшитдим. Агар шундай бўлса, биз ҳалок бўлибмиз», — дедим. Шунда у: «Ҳалок бўладиган киши Расулуллоҳ ﷺ нинг сўзи сабабли ҳалок бўлган кишидир. У (ҳадис) нима экан?» деди. (Шурайҳ) деди: «Расулуллоҳ ﷺ: ‹Ким Аллоҳга рўбарў бўлишни ёқтирса, Аллоҳ ҳам унга рўбарў бўлишни ёқтиради. Ким Аллоҳга рўбарў бўлишни ёмон кўрса, Аллоҳ ҳам унга рўбарў бўлишни ёмон кўради›, — дедилар. Ҳолбуки, ичимиздан ўлимни ёмон кўрмайдиган бирорта ҳам йўқ», — дедим. Шунда у: «Буни Расулуллоҳ ﷺ айтганлар, лекин сен тушунаётгандай эмас. Балки (гап шуки), кўз тикилиб қолса, кўкрак хирилласа, тери жунжикиб ғалғал бўлса ва бармоқлар тиришса — ана ўша (ўлим) чоғида: ким Аллоҳга рўбарў бўлишни ёқтирса, Аллоҳ ҳам унга рўбарў бўлишни ёқтиради; ким Аллоҳга рўбарў бўлишни ёмон кўрса, Аллоҳ ҳам унга рўбарў бўлишни ёмон кўради», — деди.