Abu Muso al-Ashʼariy (roziyallohu anhu)dan rivoyat qilinadi: biz Nabiy ﷺ bilan bir safarda edik. Odamlar takbirni baland ovozda ayta boshlashdi. Shunda Nabiy ﷺ: «Ey insonlar, oʻzlaringizga rahm qilinglar (ovozingizni pasaytiringlar)! Zero sizlar kar yoki gʻoyib (yiroq)dagi zotni chaqirayotganingiz yoʻq, balki Eshituvchi, yaqin boʻlmish zotni chaqirmoqdasiz va U sizlar bilan birgadir», dedilar. (Abu Muso) dedi: men u zotning orqalarida edim va: «Lo havla va lo quvvata illa billah» (Allohdan oʻzga (gunohdan saqlovchi) quvvat va (toatga) qudrat yoʻq) — deb turardim. Shunda (u zot): «Ey Abdulloh ibn Qays, seni jannat xazinalaridan bir xazinaga yoʻllaymi?» dedilar. Men: «Albatta, yo Rasululloh!» dedim. (U zot): «‹Lo havla va lo quvvata illa billah› — deb ayt», dedilar.Абу Мусо ал-Ашъарий (розияллоҳу анҳу)дан ривоят қилинади: биз Набий ﷺ билан бир сафарда эдик. Одамлар такбирни баланд овозда айта бошлашди. Шунда Набий ﷺ: «Эй инсонлар, ўзларингизга раҳм қилинглар (овозингизни пасайтиринглар)! Зеро сизлар кар ёки ғойиб (йироқ)даги зотни чақираётганингиз йўқ, балки Эшитувчи, яқин бўлмиш зотни чақирмоқдасиз ва У сизлар билан биргадир», дедилар. (Абу Мусо) деди: мен у зотнинг орқаларида эдим ва: «Ло ҳавла ва ло қуввата илла биллаҳ» (Аллоҳдан ўзга (гуноҳдан сақловчи) қувват ва (тоатга) қудрат йўқ) — деб турардим. Шунда (у зот): «Эй Абдуллоҳ ибн Қайс, сени жаннат хазиналаридан бир хазинага йўллайми?» дедилар. Мен: «Албатта, ё Расулуллоҳ!» дедим. (У зот): «‹Ло ҳавла ва ло қуввата илла биллаҳ› — деб айт», дедилар.