وَحَدَّثَنِيهِ زُهَيْرُ بْنُ حَرْبٍ، حَدَّثَنَا عُثْمَانُ بْنُ عُمَرَ، ح وَحَدَّثَنَاهُ إِسْحَاقُ بْنُ إِبْرَاهِيمَ، أَخْبَرَنَا النَّضْرُ بْنُ شُمَيْلٍ، كِلاَهُمَا عَنْ إِسْرَائِيلَ، عَنْ أَبِي إِسْحَاقَ، عَنِ الْبَرَاءِ، قَالَ اشْتَرَى أَبُو بَكْرٍ مِنْ أَبِي رَحْلاً بِثَلاَثَةَ عَشَرَ دِرْهَمًا وَسَاقَ الْحَدِيثَ بِمَعْنَى حَدِيثِ زُهَيْرٍ عَنْ أَبِي إِسْحَاقَ وَقَالَ فِي حَدِيثِهِ مِنْ رِوَايَةِ عُثْمَانَ بْنِ عُمَرَ فَلَمَّا دَنَا دَعَا عَلَيْهِ رَسُولُ اللَّهِ صلى الله عليه وسلم فَسَاخَ فَرَسُهُ فِي الأَرْضِ إِلَى بَطْنِهِ وَوَثَبَ عَنْهُ وَقَالَ يَا مُحَمَّدُ قَدْ عَلِمْتُ أَنَّ هَذَا عَمَلُكَ فَادْعُ اللَّهَ أَنْ يُخَلِّصَنِي مِمَّا أَنَا فِيهِ وَلَكَ عَلَىَّ لأُعَمِّيَنَّ عَلَى مَنْ وَرَائِي وَهَذِهِ كِنَانَتِي فَخُذْ سَهْمًا مِنْهَا فَإِنَّكَ سَتَمُرُّ عَلَى إِبِلِي وَغِلْمَانِي بِمَكَانِ كَذَا وَكَذَا فَخُذْ مِنْهَا حَاجَتَكَ قَالَ " لاَ حَاجَةَ لِي فِي إِبِلِكَ " . فَقَدِمْنَا الْمَدِينَةَ لَيْلاً فَتَنَازَعُوا أَيُّهُمْ يَنْزِلُ عَلَيْهِ رَسُولُ اللَّهِ صلى الله عليه وسلم فَقَالَ " أَنْزِلُ عَلَى بَنِي النَّجَّارِ أَخْوَالِ عَبْدِ الْمُطَّلِبِ أُكْرِمُهُمْ بِذَلِكَ " . فَصَعِدَ الرِّجَالُ وَالنِّسَاءُ فَوْقَ الْبُيُوتِ وَتَفَرَّقَ الْغِلْمَانُ وَالْخَدَمُ فِي الطُّرُقِ يُنَادُونَ يَا مُحَمَّدُ يَا رَسُولَ اللَّهِ يَا مُحَمَّدُ يَا رَسُولَ اللَّهِ .
al-Baroʼ ibn Ozib (roziyallohu anhu)dan rivoyat qilinadi: Abu Bakr otamdan bir egar (kajava)ni oʻn uch dirhamga sotib oldi, deb hadis maʼnosini soʻzlab berdi. U oʻz hadisida shunday dedi: «(Suroqa) yaqinlashganida Rasululloh ﷺ unga qarshi duo qildilar. Shunda oti qornigacha yerga botib qoldi, (Suroqa) undan sakrab tushdi va: ‹Ey Muhammad! Men, albatta, bu sening ishing ekanini bildim. Allohga duo qilgin, meni shu (ahvolimdan) qutqarsin. Senga (ahdimni beraman): ortimdagilarga (yoʻlingni) bekitaman (chalgʻitaman). Mana, bu mening oʻqdonim, undan bir oʻq olgin. Albatta, sen falon-falon joyda mening tuyalarim va xizmatkorlarim oldidan oʻtasan, ulardan hojatingni olib qol›, dedi. (U zot): ‹Tuyalaringga hojatim yoʻq›, dedilar. Soʻng biz Madinaga kechasi yetib keldik. (Madina ahli) Rasululloh ﷺ qaysisinikiga tushishlari haqida tortishib qoldilar. (U zot): ‹Abdul-Muttalibning togʻalari boʻlmish Banun-Najjornikiga tushaman, shu bilan ularni izzatlayman›, dedilar. Bas, erkaklar va ayollar uylar ustiga chiqdilar, bolalar va xizmatkorlar yoʻllarga tarqalib: ‹Ey Muhammad! Ey Rasululloh! Ey Muhammad! Ey Rasululloh!› deb nido qila boshladilar».ал-Барў ибн Озиб (розияллоҳу анҳу)дан ривоят қилинади: Абу Бакр отамдан бир эгар (кажава)ни ўн уч дирҳамга сотиб олди, деб ҳадис маъносини сўзлаб берди. У ўз ҳадисида шундай деди: «(Суроқа) яқинлашганида Расулуллоҳ ﷺ унга қарши дуо қилдилар. Шунда оти қорнигача ерга ботиб қолди, (Суроқа) ундан сакраб тушди ва: ‹Эй Муҳаммад! Мен, албатта, бу сенинг ишинг эканини билдим. Аллоҳга дуо қилгин, мени шу (аҳволимдан) қутқарсин. Сенга (аҳдимни бераман): ортимдагиларга (йўлингни) бекитаман (чалғитаман). Мана, бу менинг ўқдоним, ундан бир ўқ олгин. Албатта, сен фалон-фалон жойда менинг туяларим ва хизматкорларим олдидан ўтасан, улардан ҳожатингни олиб қол›, деди. (У зот): ‹Туяларингга ҳожатим йўқ›, дедилар. Сўнг биз Мадинага кечаси етиб келдик. (Мадина аҳли) Расулуллоҳ ﷺ қайсисиникига тушишлари ҳақида тортишиб қолдилар. (У зот): ‹Абдул-Мутталибнинг тоғалари бўлмиш Банун-Нажжорникига тушаман, шу билан уларни иззатлайман›, дедилар. Бас, эркаклар ва аёллар уйлар устига чиқдилар, болалар ва хизматкорлар йўлларга тарқалиб: ‹Эй Муҳаммад! Эй Расулуллоҳ! Эй Муҳаммад! Эй Расулуллоҳ!› деб нидо қила бошладилар».