Ibn Abbos (roziyallohu anhumo)dan rivoyat qilinadi: Men xolam Maymunaning uyida tunadim va Rasululloh ﷺ qanday namoz oʻqishlarini (kuzatib) qoldim. (Roviy) dedi: U zot turib bavl qildilar, soʻng yuzlari va kaftlarini yuvdilar, soʻng uxladilar. Soʻng meshga turib, uning bogʻichini yechdilar, soʻng katta yoki kichik tovoqqa (suv) quydilar-da, qoʻllari bilan uni (suvga) botirdilar. Soʻng ikki taharatning oʻrtasidagi (oʻrtacha) chiroyli taharat qildilar, soʻng turib namoz oʻqidilar. Men kelib, u zotning yonlarida turdim, chap tomonlarida turdim. (Roviy) dedi: Shunda u zot meni (ushlab) oʻng tomonlariga oʻtkazdilar. Rasululloh ﷺ ning namozlari oʻn uch rakaatga toʻldi. Soʻng uxlab, xurrak otdilar — biz u zotning uxlaganlarini xurraklaridan bilar edik. Soʻng namozga chiqib, namoz oʻqidilar, namozlarida yoki sajdalarida shunday deya boshladilar: «Allohim, qalbimga nur, qulogʻimga nur, koʻzimga nur, oʻngimga nur, chapimga nur, oldimga nur, ortimga nur, ustimga nur, ostimga nur qil va men uchun nur qil» — yoki: «meni nur qil», dedilar.Ибн Аббос (розияллоҳу анҳумо)дан ривоят қилинади: Мен холам Маймунанинг уйида тунадим ва Расулуллоҳ ﷺ қандай намоз ўқишларини (кузатиб) қолдим. (Ровий) деди: У зот туриб бавл қилдилар, сўнг юзлари ва кафтларини ювдилар, сўнг ухладилар. Сўнг мешга туриб, унинг боғичини ечдилар, сўнг катта ёки кичик товоққа (сув) қуйдилар-да, қўллари билан уни (сувга) ботирдилар. Сўнг икки таҳаратнинг ўртасидаги (ўртача) чиройли таҳарат қилдилар, сўнг туриб намоз ўқидилар. Мен келиб, у зотнинг ёнларида турдим, чап томонларида турдим. (Ровий) деди: Шунда у зот мени (ушлаб) ўнг томонларига ўтказдилар. Расулуллоҳ ﷺ нинг намозлари ўн уч ракаатга тўлди. Сўнг ухлаб, хуррак отдилар — биз у зотнинг ухлаганларини хурракларидан билар эдик. Сўнг намозга чиқиб, намоз ўқидилар, намозларида ёки саждаларида шундай дея бошладилар: «Аллоҳим, қалбимга нур, қулоғимга нур, кўзимга нур, ўнгимга нур, чапимга нур, олдимга нур, ортимга нур, устимга нур, остимга нур қил ва мен учун нур қил» — ёки: «мени нур қил», дедилар.