Ibn Abbos (roziyallohu anhumo)dan rivoyat qilinadi: Ibn Abbos bir kechasi Rasululloh ﷺ ning huzurida tunadi. (U) dedi: Rasululloh ﷺ mesh oldiga turib, undan (suv) quydilar-da, taharat qildilar, suvni koʻp (sarflamadilar) va taharatni ham kam (qisqartirib) qilmadilar. Va (roviy) hadisni naql qildi, unda: «Oʻsha kecha Rasululloh ﷺ oʻn toʻqqiz kalima (soʻz) bilan duo qildilar», dedi. Kurayb buni menga hadis qilib aytdi, men ulardan oʻn ikkitasini yodlab oldim, qolganini unutdim. Rasululloh ﷺ: «Allohim, qalbimda menga nur, tilimda nur, qulogʻimda nur, koʻzimda nur, ustimda nur, ostimda nur, oʻngimda nur, chapimda nur, oldimda nur, ortimda nur qil va nafsimda nur qil va men uchun nurni ulkan qil», dedilar.Ибн Аббос (розияллоҳу анҳумо)дан ривоят қилинади: Ибн Аббос бир кечаси Расулуллоҳ ﷺ нинг ҳузурида тунади. (У) деди: Расулуллоҳ ﷺ меш олдига туриб, ундан (сув) қуйдилар-да, таҳарат қилдилар, сувни кўп (сарфламадилар) ва таҳаратни ҳам кам (қисқартириб) қилмадилар. Ва (ровий) ҳадисни нақл қилди, унда: «Ўша кеча Расулуллоҳ ﷺ ўн тўққиз калима (сўз) билан дуо қилдилар», деди. Курайб буни менга ҳадис қилиб айтди, мен улардан ўн иккитасини ёдлаб олдим, қолганини унутдим. Расулуллоҳ ﷺ: «Аллоҳим, қалбимда менга нур, тилимда нур, қулоғимда нур, кўзимда нур, устимда нур, остимда нур, ўнгимда нур, чапимда нур, олдимда нур, ортимда нур қил ва нафсимда нур қил ва мен учун нурни улкан қил», дедилар.