Ibn Abbos (roziyallohu anhumo)dan rivoyat qilinadi: Rasululloh ﷺ tun yarmida namozga turganlarida shunday deyar edilar: «Allohim! Hamd Sengadir; Sen osmonlaru yerning nurisan. Hamd Sengadir; Sen osmonlaru yerni barpo qilib turuvchisan. Hamd Sengadir; Sen osmonlaru yerning va ulardagi (barcha narsa)ning Robbisan. Sen Haqsan, vaʼdang haqdir, soʻzing haqdir, Senga roʻbaroʻ boʻlish haqdir, jannat haqdir, doʻzax haqdir va (Qiyomat) soati haqdir. Allohim! Senga taslim boʻldim, Senga iymon keltirdim, Senga tavakkal qildim, Senga qaytdim, (Sen tufayli dushmanlarga qarshi) kurashdim va Senga (hukm uchun) murojaat qildim. Bas, avval qilgan va keyin qilgan, yashirin va oshkora (qilgan gunohlarim)ni kechirgin. Sen mening Ilohimsan, Sendan oʻzga iloh yoʻq».Ибн Аббос (розияллоҳу анҳумо)дан ривоят қилинади: Расулуллоҳ ﷺ тун ярмида намозга турганларида шундай деяр эдилар: «Аллоҳим! Ҳамд Сенгадир; Сен осмонлару ернинг нурисан. Ҳамд Сенгадир; Сен осмонлару ерни барпо қилиб турувчисан. Ҳамд Сенгадир; Сен осмонлару ернинг ва улардаги (барча нарса)нинг Роббисан. Сен Ҳақсан, ваъданг ҳақдир, сўзинг ҳақдир, Сенга рўбарў бўлиш ҳақдир, жаннат ҳақдир, дўзах ҳақдир ва (Қиёмат) соати ҳақдир. Аллоҳим! Сенга таслим бўлдим, Сенга иймон келтирдим, Сенга таваккал қилдим, Сенга қайтдим, (Сен туфайли душманларга қарши) курашдим ва Сенга (ҳукм учун) мурожаат қилдим. Бас, аввал қилган ва кейин қилган, яширин ва ошкора (қилган гуноҳларим)ни кечиргин. Сен менинг Илоҳимсан, Сендан ўзга илоҳ йўқ».