Jobir ibn Abdulloh (roziyallohu anhumo)dan rivoyat qilinadi: Men Rasululloh ﷺ bilan birga iyd kunidagi namozda boʻldim. U zot azonsiz va iqomatsiz, xutbadan oldin namozdan boshladi. Soʻng Bilolga suyangan holda turib, Allohga taqvoli boʻlishga buyurdi va Unga itoat qilishga undadi, odamlarga vaʼz qildi va ularga nasihat berdi. Soʻng yurib, ayollarning oldiga keldi-da, ularga vaʼz-nasihat qildi va: «Sadaqa qilinglar! Chunki koʻpchiligingiz jahannam oʻtinisiz», dedi. Shunda ayollar orasidagi yonoqlari qoramtir bir ayol turib: «Nega, ey Rasululloh?» dedi. (U zot:) «Chunki sizlar (erlaringizdan) koʻp shikoyat qilasiz va eringizning yaxshiligiga noshukurlik qilasiz», dedi. (Jobir) dedi: Shunda ular oʻz taqinchoqlaridan sadaqa qila boshladilar; Bilolning kiyimiga sirgʻalari va uzuklarini tashlardilar.Жобир ибн Абдуллоҳ (розияллоҳу анҳумо)дан ривоят қилинади: Мен Расулуллоҳ ﷺ билан бирга ийд кунидаги намозда бўлдим. У зот азонсиз ва иқоматсиз, хутбадан олдин намоздан бошлади. Сўнг Билолга суянган ҳолда туриб, Аллоҳга тақволи бўлишга буюрди ва Унга итоат қилишга ундади, одамларга ваъз қилди ва уларга насиҳат берди. Сўнг юриб, аёлларнинг олдига келди-да, уларга ваъз-насиҳат қилди ва: «Садақа қилинглар! Чунки кўпчилигингиз жаҳаннам ўтинисиз», деди. Шунда аёллар орасидаги ёноқлари қорамтир бир аёл туриб: «Нега, эй Расулуллоҳ?» деди. (У зот:) «Чунки сизлар (эрларингиздан) кўп шикоят қиласиз ва эрингизнинг яхшилигига ношукурлик қиласиз», деди. (Жобир) деди: Шунда улар ўз тақинчоқларидан садақа қила бошладилар; Билолнинг кийимига сирғалари ва узукларини ташлардилар.