Oisha (roziyallohu anho)dan rivoyat qilinadi: Nabiy ﷺ shamol kuchli essa, derdilar: «Allohim! Men Sendan uning yaxshiligini, undagi narsaning yaxshiligini va u (shamol) nima bilan yuborilgan boʻlsa, oʻshaning yaxshiligini soʻrayman. Hamda Sendan uning yomonligidan, undagi narsaning yomonligidan va u nima bilan yuborilgan boʻlsa, oʻshaning yomonligidan panoh soʻrayman». (Oisha) dedi: Osmon bulutga toʻlsa (chaqmoq chaqsa), u zotning rangi oʻzgarar, goh chiqib, goh kirar, goh oldinga, goh orqaga yurar edilar. Yomgʻir yoqqach esa, u (bezovtalik) ulardan ketar edi. Men buni u zotning yuzlarida bilar edim. Oisha dedi: Men u zotdan soʻradim. Shunda u: «Ehtimol, ey Oisha, bu Od qavmi aytganidekdir: {Qachonki uni oʻzlarining vodiylariga yuzlangan bulut holida koʻrganlarida: ‹Bu bizga yomgʻir yogʻdiruvchi bulutdir›, dedilar} (Ahqof 24)», dedilar.Оиша (розияллоҳу анҳо)дан ривоят қилинади: Набий ﷺ шамол кучли эсса, дердилар: «Аллоҳим! Мен Сендан унинг яхшилигини, ундаги нарсанинг яхшилигини ва у (шамол) нима билан юборилган бўлса, ўшанинг яхшилигини сўрайман. Ҳамда Сендан унинг ёмонлигидан, ундаги нарсанинг ёмонлигидан ва у нима билан юборилган бўлса, ўшанинг ёмонлигидан паноҳ сўрайман». (Оиша) деди: Осмон булутга тўлса (чақмоқ чақса), у зотнинг ранги ўзгарар, гоҳ чиқиб, гоҳ кирар, гоҳ олдинга, гоҳ орқага юрар эдилар. Ёмғир ёққач эса, у (безовталик) улардан кетар эди. Мен буни у зотнинг юзларида билар эдим. Оиша деди: Мен у зотдан сўрадим. Шунда у: «Эҳтимол, эй Оиша, бу Од қавми айтганидекдир: {Қачонки уни ўзларининг водийларига юзланган булут ҳолида кўрганларида: ‹Бу бизга ёмғир ёғдирувчи булутдир›, дедилар} (Аҳқоф 24)», дедилар.