Abdulloh ibn Umar (roziyallohu anhumo)ning choʻrilari hayzli boʻlishlariga qaramay uning oyoqlarini yuvar va unga (namoz oʻqiydigan) xurma bargidan toʻqilgan joynamozni berar edilar. Molikdan xotinlari va choʻrilari bor kishi haqida — u gʻusl qilishdan avval ularning hammasiga yaqinlik qilsa boʻladimi, deb soʻralganda, u shunday dedi: «Kishi gʻusl qilishdan avval ikki choʻrisiga yaqinlik qilsa, hech zarari yoʻq. Ammo hur ayollarga kelsak — kishining bir (xotini)ning navbatidagi kunda boshqa hur xotiniga yaqinlashishi makruhdir. Choʻriga yaqinlik qilib, soʻng janobatli holida boshqasiga yaqinlik qilishga esa hech zarar yoʻq». Molikdan janobatli kishi haqida — unga gʻusl qilish uchun suv qoʻyilib, u gʻaflatda barmogʻini suvning issiq-sovuqligini bilish uchun unga tiqib yuborsa (nima boʻladi), deb soʻraldi. Molik: «Agar barmogʻiga nopoklik tegmagan boʻlsa, bu suvni unga nopok qiladi deb bilmayman», dedi.Абдуллоҳ ибн Умар (розияллоҳу анҳумо)нинг чўрилари ҳайзли бўлишларига қарамай унинг оёқларини ювар ва унга (намоз ўқийдиган) хурма баргидан тўқилган жойнамозни берар эдилар. Моликдан хотинлари ва чўрилари бор киши ҳақида — у ғусл қилишдан аввал уларнинг ҳаммасига яқинлик қилса бўладими, деб сўралганда, у шундай деди: «Киши ғусл қилишдан аввал икки чўрисига яқинлик қилса, ҳеч зарари йўқ. Аммо ҳур аёлларга келсак — кишининг бир (хотини)нинг навбатидаги кунда бошқа ҳур хотинига яқинлашиши макруҳдир. Чўрига яқинлик қилиб, сўнг жанобатли ҳолида бошқасига яқинлик қилишга эса ҳеч зарар йўқ». Моликдан жанобатли киши ҳақида — унга ғусл қилиш учун сув қўйилиб, у ғафлатда бармоғини сувнинг иссиқ-совуқлигини билиш учун унга тиқиб юборса (нима бўлади), деб сўралди. Молик: «Агар бармоғига нопоклик тегмаган бўлса, бу сувни унга нопок қилади деб билмайман», деди.