Abdurahmon ibn Harmala (rahimahulloh)dan rivoyat qilinadiki, bir kishi Said ibn al-Musayyab (rahimahulloh)dan tayammum qilib, soʻng suvga erishgan janobatli kishi haqida soʻradi. Said: «Suvga erishgan boʻlsa, bundan keyingi (namozlar) uchun unga gʻusl (vojib) boʻladi», dedi. Molik safarda ehtilom boʻlib, faqat tahoratga yetadigan miqdorda suvi bor, ammo suvga yetguncha chanqamaydigan kishi haqida shunday dedi: «U shu (suv) bilan avratini va oʻsha nopoklik tekkan joyni yuvsin, soʻng Alloh amr qilganidek, pok tuproq bilan tayammum qilsin». Molikdan janobatli kishi tayammum qilmoqchi boʻlib, shoʻrxok tuprogʻidan boshqa tuproq topolmasa — shoʻrxok bilan tayammum qiladimi va shoʻrxokda namoz oʻqish makruhmi, deb soʻraldi. Molik: «Shoʻrxokda namoz oʻqish va undan tayammum qilishda hech zarar yoʻq. Zero, Alloh taboraka va taolo: {Pok tuproq bilan tayammum qilinglar} degan. Bas, tuproq boʻlgan har bir narsa bilan — shoʻrxok boʻladimi, boshqasimi — tayammum qilinaveradi», dedi.Абдураҳмон ибн Ҳармала (раҳимаҳуллоҳ)дан ривоят қилинадики, бир киши Саид ибн ал-Мусайяб (раҳимаҳуллоҳ)дан таяммум қилиб, сўнг сувга эришган жанобатли киши ҳақида сўради. Саид: «Сувга эришган бўлса, бундан кейинги (намозлар) учун унга ғусл (вожиб) бўлади», деди. Молик сафарда эҳтилом бўлиб, фақат таҳоратга етадиган миқдорда суви бор, аммо сувга етгунча чанқамайдиган киши ҳақида шундай деди: «У шу (сув) билан авратини ва ўша нопоклик теккан жойни ювсин, сўнг Аллоҳ амр қилганидек, пок тупроқ билан таяммум қилсин». Моликдан жанобатли киши таяммум қилмоқчи бўлиб, шўрхок тупроғидан бошқа тупроқ тополмаса — шўрхок билан таяммум қиладими ва шўрхокда намоз ўқиш макруҳми, деб сўралди. Молик: «Шўрхокда намоз ўқиш ва ундан таяммум қилишда ҳеч зарар йўқ. Зеро, Аллоҳ таборака ва таоло: {Пок тупроқ билан таяммум қилинглар} деган. Бас, тупроқ бўлган ҳар бир нарса билан — шўрхок бўладими, бошқасими — таяммум қилинаверади», деди.