Al-Bahziy (roziyallohu anhu)dan rivoyat qilinadiki, Rasululloh ﷺ ehromda Makka tomon yoʻlga chiqdilar. Ravho degan joyga yetganlarida, birdan jarohatlangan bir yovvoyi eshakka duch keldilar. Bu haqda Rasululloh ﷺ ga aytilgan edi, u zot: «Uni qoʻyib beringlar, hademay egasi kelib qoladi», dedilar. Shunda uning egasi — al-Bahziy Nabiy ﷺ ning oldilariga kelib: «Yo Rasululloh, bu eshak haqida ixtiyor sizniki», dedi. Rasululloh ﷺ Abu Bakrga buyurdilar, u esa uni hamrohlar orasida taqsimladi. Soʻng yoʻlida davom etdilar. Ruvaysa bilan Araj oraligʻidagi Asoya degan joyga yetganlarida, birdan soyada yonboshlab yotgan, badanida oʻq qolgan bir ohuga duch keldilar. Rovaiyning taʼkidlashicha, Rasululloh ﷺ bir kishiga uning yonida turib, hamma oʻtib ketguncha odamlardan hech kim unga tegmasligini buyurdilar.Ал-Баҳзий (розияллоҳу анҳу)дан ривоят қилинадики, Расулуллоҳ ﷺ эҳромда Макка томон йўлга чиқдилар. Равҳо деган жойга етганларида, бирдан жароҳатланган бир ёввойи эшакка дуч келдилар. Бу ҳақда Расулуллоҳ ﷺ га айтилган эди, у зот: «Уни қўйиб беринглар, ҳадемай эгаси келиб қолади», дедилар. Шунда унинг эгаси — ал-Баҳзий Набий ﷺ нинг олдиларига келиб: «Ё Расулуллоҳ, бу эшак ҳақида ихтиёр сизники», деди. Расулуллоҳ ﷺ Абу Бакрга буюрдилар, у эса уни ҳамроҳлар орасида тақсимлади. Сўнг йўлида давом этдилар. Рувайса билан Араж оралиғидаги Асоя деган жойга етганларида, бирдан сояда ёнбошлаб ётган, баданида ўқ қолган бир оҳуга дуч келдилар. Роваийнинг таъкидлашича, Расулуллоҳ ﷺ бир кишига унинг ёнида туриб, ҳамма ўтиб кетгунча одамлардан ҳеч ким унга тегмаслигини буюрдилар.