Ibn Shihob (rahimahulloh)dan rivoyat qilinadiki, Umar ibn al-Xattob (roziyallohu anhu) Haramda ilonlarni oʻldirishga buyurdi. Molik Haramda oʻldirishga buyurilgan «qopagʻon it» haqida shunday dedi: «Odamlarni jarohatlaydigan, ularga tashlanadigan va ularni qoʻrqitadigan har bir narsa — masalan, arslon, qoplon, gepard va boʻri — ana shu qopagʻon itdir. Yirtqichlardan tashlanmaydiganlarini — masalan, sirtlon, tulki, mushuk va shularga oʻxshash yirtqichlarni esa ehromdagi kishi oʻldirmaydi; agar oʻldirsa, jazosini (fidyasini) toʻlaydi. Qushlardan zarar yetkazadiganini ham ehromdagi kishi oʻldirmaydi — faqat Nabiy ﷺ nomlaganlari, yaʼni qargʻa va kalxatdan boʻlak. Agar ehromdagi kishi bu ikkisidan boshqa biror qushni oʻldirsa, jazosini toʻlaydi».Ибн Шиҳоб (раҳимаҳуллоҳ)дан ривоят қилинадики, Умар ибн ал-Хаттоб (розияллоҳу анҳу) Ҳарамда илонларни ўлдиришга буюрди. Молик Ҳарамда ўлдиришга буюрилган «қопағон ит» ҳақида шундай деди: «Одамларни жароҳатлайдиган, уларга ташланадиган ва уларни қўрқитадиган ҳар бир нарса — масалан, арслон, қоплон, гепард ва бўри — ана шу қопағон итдир. Йиртқичлардан ташланмайдиганларини — масалан, сиртлон, тулки, мушук ва шуларга ўхшаш йиртқичларни эса эҳромдаги киши ўлдирмайди; агар ўлдирса, жазосини (фидясини) тўлайди. Қушлардан зарар етказадиганини ҳам эҳромдаги киши ўлдирмайди — фақат Набий ﷺ номлаганлари, яъни қарға ва калхатдан бўлак. Агар эҳромдаги киши бу иккисидан бошқа бирор қушни ўлдирса, жазосини тўлайди».