Said ibn al-Musayyab (rahimahulloh) Makka kaptari haqida — u oʻldirilsa — «qoʻy (lozim)», der edi. Molik aytdi: Makka ahlidan biror kishi hajga yoki umraga ihromga kirsa-yu, uyida Makka kaptarining polaponlari boʻlib, ular ustiga (eshik) yopilib qolib, oʻlib qolsa: «Har bir polapon evaziga bittadan qoʻy toʻlaydi deb bilaman», dedi. Molik aytdi: «Muhrim tuyaqushni oʻldirsa, evaziga tuya (badana lozim) ekanini hamisha eshitib kelaman». Molik aytdi: «Tuyaqush tuxumi uchun tuyaning bahosining oʻndan biri (lozim) deb bilaman — xuddi hur ayolning homilasi (nobud boʻlgani) uchun gʻurra: erkak yoki qiz qul (lozim) boʻlganidek. Gʻurraning qiymati ellik dinordir, bu esa uning onasi diyatining oʻndan biridir. Tasqara, burgut, lochin yoki (oq) qarchigʻaydan boʻlgan har bir narsa — ovdir; muhrim uni oʻldirsa, ov (jazosi) qanday toʻlansa, shunday toʻlanadi. Jarima toʻlanadigan har bir narsaning kichigi uchun ham kattasi (uchun boʻlgani) kabidir. Bunga misol — hurning kichigi va kattasining diyati: ikkalasi barobar, bir xildir».Саид ибн ал-Мусайяб (раҳимаҳуллоҳ) Макка каптари ҳақида — у ўлдирилса — «қўй (лозим)», дер эди. Молик айтди: Макка аҳлидан бирор киши ҳажга ёки умрага иҳромга кирса-ю, уйида Макка каптарининг полапонлари бўлиб, улар устига (эшик) ёпилиб қолиб, ўлиб қолса: «Ҳар бир полапон эвазига биттадан қўй тўлайди деб биламан», деди. Молик айтди: «Муҳрим туяқушни ўлдирса, эвазига туя (бадана лозим) эканини ҳамиша эшитиб келаман». Молик айтди: «Туяқуш тухуми учун туянинг баҳосининг ўндан бири (лозим) деб биламан — худди ҳур аёлнинг ҳомиласи (нобуд бўлгани) учун ғурра: эркак ёки қиз қул (лозим) бўлганидек. Ғурранинг қиймати эллик динордир, бу эса унинг онаси диятининг ўндан биридир. Тасқара, бургут, лочин ёки (оқ) қарчиғайдан бўлган ҳар бир нарса — овдир; муҳрим уни ўлдирса, ов (жазоси) қандай тўланса, шундай тўланади. Жарима тўланадиган ҳар бир нарсанинг кичиги учун ҳам каттаси (учун бўлгани) кабидир. Бунга мисол — ҳурнинг кичиги ва каттасининг дияти: иккаласи баробар, бир хилдир».