Abdurrahmon ibn Abu Saʼsaʼa (rahimahulloh)ga yetib kelishicha, ansorlardan, soʻng Banu Salamadan boʻlgan Amr ibn al-Jamuh va Abdulloh ibn Amr (roziyallohu anhumo)ning qabrini sel oʻyib yuborgan edi. Ularning qabri sel oʻtadigan tomonda edi va ikkovi bitta qabrda edi. Ular Uhud kuni shahid boʻlganlardan edilar. Ularni joyidan koʻchirish uchun qabrlari ochildi va ular hech oʻzgarmagan holda, xuddi kecha vafot etganday topildi. Ulardan biri jarohatlangan boʻlib, qoʻlini jarohatining ustiga qoʻygan holda dafn etilgan edi. Uning qoʻli jarohatidan olib qoʻyildi, soʻng qoʻyib yuborilganda, avvalgidek (jarohati ustiga) qaytdi. Uhud (jangi) bilan ular qabri ochilgan kun orasida qirq olti yil (oʻtgan) edi. Molik aytdi: «Zarurat tufayli ikki yoki uch kishini bitta qabrga dafn etishda hech qanday zarar yoʻq va kattasi qiblaga tomon qoʻyiladi».Абдурраҳмон ибн Абу Саъсаъа (раҳимаҳуллоҳ)га етиб келишича, ансорлардан, сўнг Бану Саламадан бўлган Амр ибн ал-Жамуҳ ва Абдуллоҳ ибн Амр (розияллоҳу анҳумо)нинг қабрини сел ўйиб юборган эди. Уларнинг қабри сел ўтадиган томонда эди ва иккови битта қабрда эди. Улар Уҳуд куни шаҳид бўлганлардан эдилар. Уларни жойидан кўчириш учун қабрлари очилди ва улар ҳеч ўзгармаган ҳолда, худди кеча вафот этгандай топилди. Улардан бири жароҳатланган бўлиб, қўлини жароҳатининг устига қўйган ҳолда дафн этилган эди. Унинг қўли жароҳатидан олиб қўйилди, сўнг қўйиб юборилганда, аввалгидек (жароҳати устига) қайтди. Уҳуд (жанги) билан улар қабри очилган кун орасида қирқ олти йил (ўтган) эди. Молик айтди: «Зарурат туфайли икки ёки уч кишини битта қабрга дафн этишда ҳеч қандай зарар йўқ ва каттаси қиблага томон қўйилади».