وَحَدَّثَنِي عَنْ مَالِكٍ، عَنْ ثَابِتِ بْنِ الأَحْنَفِ، أَنَّهُ تَزَوَّجَ أُمَّ وَلَدٍ لِعَبْدِ الرَّحْمَنِ بْنِ زَيْدِ بْنِ الْخَطَّابِ - قَالَ - فَدَعَانِي عَبْدُ اللَّهِ بْنُ عَبْدِ الرَّحْمَنِ بْنِ زَيْدِ بْنِ الْخَطَّابِ فَجِئْتُهُ فَدَخَلْتُ عَلَيْهِ فَإِذَا سِيَاطٌ مَوْضُوعَةٌ وَإِذَا قَيْدَانِ مِنْ حَدِيدٍ وَعَبْدَانِ لَهُ قَدْ أَجْلَسَهُمَا فَقَالَ طَلِّقْهَا وَإِلاَّ وَالَّذِي يُحْلَفُ بِهِ فَعَلْتُ بِكَ كَذَا وَكَذَا . قَالَ فَقُلْتُ هِيَ الطَّلاَقُ أَلْفًا . قَالَ فَخَرَجْتُ مِنْ عِنْدِهِ فَأَدْرَكْتُ عَبْدَ اللَّهِ بْنَ عُمَرَ بِطَرِيقِ مَكَّةَ فَأَخْبَرْتُهُ بِالَّذِي كَانَ مِنْ شَأْنِي فَتَغَيَّظَ عَبْدُ اللَّهِ وَقَالَ لَيْسَ ذَلِكَ بِطَلاَقٍ وَإِنَّهَا لَمْ تَحْرُمْ عَلَيْكَ فَارْجِعْ إِلَى أَهْلِكَ . قَالَ فَلَمْ تُقْرِرْنِي نَفْسِي حَتَّى أَتَيْتُ عَبْدَ اللَّهِ بْنَ الزُّبَيْرِ - وَهُوَ يَوْمَئِذٍ بِمَكَّةَ أَمِيرٌ عَلَيْهَا - فَأَخْبَرْتُهُ بِالَّذِي كَانَ مِنْ شَأْنِي وَبِالَّذِي قَالَ لِي عَبْدُ اللَّهِ بْنُ عُمَرَ قَالَ فَقَالَ لِي عَبْدُ اللَّهِ بْنُ الزُّبَيْرِ لَمْ تَحْرُمْ عَلَيْكَ فَارْجِعْ إِلَى أَهْلِكَ . وَكَتَبَ إِلَى جَابِرِ بْنِ الأَسْوَدِ الزُّهْرِيِّ - وَهُوَ أَمِيرُ الْمَدِينَةِ - يَأْمُرُهُ أَنْ يُعَاقِبَ عَبْدَ اللَّهِ بْنَ عَبْدِ الرَّحْمَنِ وَأَنْ يُخَلِّيَ بَيْنِي وَبَيْنَ أَهْلِي - قَالَ - فَقَدِمْتُ الْمَدِينَةَ فَجَهَّزَتْ صَفِيَّةُ امْرَأَةُ عَبْدِ اللَّهِ بْنِ عُمَرَ امْرَأَتِي حَتَّى أَدْخَلَتْهَا عَلَىَّ بِعِلْمِ عَبْدِ اللَّهِ بْنِ عُمَرَ ثُمَّ دَعَوْتُ عَبْدَ اللَّهِ بْنَ عُمَرَ يَوْمَ عُرْسِي لِوَلِيمَتِي فَجَاءَنِي .
Sobit ibn al-Ahnaf (rahimahulloh)dan rivoyat qilinadiki, u Abdurrahmon ibn Zayd ibn al-Xattobning bir umm valadiga (oʻgʻil tuqqan choʻrisiga) uylandi. U shunday dedi: «Abdulloh ibn Abdurrahmon ibn Zayd ibn al-Xattob meni chaqirdi, men uning oldiga bordim va huzuriga kirdim. Qarasam, qamchilar qoʻyilgan, ikkita temir kishan turibdi, ikki qulini ham oʻtqazib qoʻyibdi. U: ‹Uni taloq qoʻy, aks holda, qasam ichiladigan Zotga qasamki, senga ana-mana qilaman!› dedi. Men: ‹U ming marta taloq boʻlsin!› dedim. Soʻng uning oldidan chiqdim va Makka yoʻlida Abdulloh ibn Umar (roziyallohu anhumo)ga yetib oldim-da, boshimga tushgan ishni unga xabar qildim. Abdulloh gʻazablanib: ‹Bu taloq emas, u senga harom ham boʻlmagan, ahling oldiga qayt›, dedi. Ammo koʻnglim hotirjam boʻlmadi, shu bois oʻsha kunlari Makkaga amir boʻlgan Abdulloh ibn az-Zubayr (roziyallohu anhumo)ning oldiga bordim va boshimdan kechganini hamda Abdulloh ibn Umar menga aytgan gapni unga soʻzlab berdim. Abdulloh ibn az-Zubayr menga: ‹U senga harom boʻlmagan, ahling oldiga qayt›, dedi va Madina amiri Jobir ibn al-Asvad az-Zuhriyga xat yozib, Abdulloh ibn Abdurrahmonni jazolashni hamda meni ahlim bilan qoʻyib berishni buyurdi. Men Madinaga keldim. Abdulloh ibn Umarning xotini Safiyya mening xotinimni oʻzi bezab-yasab, Abdulloh ibn Umarning xabari bilan uni menikiga olib kirib qoʻydi. Soʻngra men toʻyim kunida Abdulloh ibn Umarni oshimga chaqirdim, u ham keldi».Собит ибн ал-Аҳнаф (раҳимаҳуллоҳ)дан ривоят қилинадики, у Абдурраҳмон ибн Зайд ибн ал-Хаттобнинг бир умм валадига (ўғил туққан чўрисига) уйланди. У шундай деди: «Абдуллоҳ ибн Абдурраҳмон ибн Зайд ибн ал-Хаттоб мени чақирди, мен унинг олдига бордим ва ҳузурига кирдим. Қарасам, қамчилар қўйилган, иккита темир кишан турибди, икки қулини ҳам ўтқазиб қўйибди. У: ‹Уни талоқ қўй, акс ҳолда, қасам ичиладиган Зотга қасамки, сенга ана-мана қиламан!› деди. Мен: ‹У минг марта талоқ бўлсин!› дедим. Сўнг унинг олдидан чиқдим ва Макка йўлида Абдуллоҳ ибн Умар (розияллоҳу анҳумо)га етиб олдим-да, бошимга тушган ишни унга хабар қилдим. Абдуллоҳ ғазабланиб: ‹Бу талоқ эмас, у сенга ҳаром ҳам бўлмаган, аҳлинг олдига қайт›, деди. Аммо кўнглим ҳотиржам бўлмади, шу боис ўша кунлари Маккага амир бўлган Абдуллоҳ ибн аз-Зубайр (розияллоҳу анҳумо)нинг олдига бордим ва бошимдан кечганини ҳамда Абдуллоҳ ибн Умар менга айтган гапни унга сўзлаб бердим. Абдуллоҳ ибн аз-Зубайр менга: ‹У сенга ҳаром бўлмаган, аҳлинг олдига қайт›, деди ва Мадина амири Жобир ибн ал-Асвад аз-Зуҳрийга хат ёзиб, Абдуллоҳ ибн Абдурраҳмонни жазолашни ҳамда мени аҳлим билан қўйиб беришни буюрди. Мен Мадинага келдим. Абдуллоҳ ибн Умарнинг хотини Сафийя менинг хотинимни ўзи безаб-ясаб, Абдуллоҳ ибн Умарнинг хабари билан уни меникига олиб кириб қўйди. Сўнгра мен тўйим кунида Абдуллоҳ ибн Умарни ошимга чақирдим, у ҳам келди».