Nofeʼ (rahimahulloh)dan rivoyat qilinadiki, Safiyya bint Abu Ubayd eri Abdulloh ibn Umar (roziyallohu anhumo)ga motam tutayotgan chogʻida koʻzlari ogʻridi, ammo u koʻzlari deyarli yiring bogʻlaguncha surma qoʻymadi. Molik aytdi: «Eri vafot etgan ayol, agar (dorida) atir boʻlmasa, koʻzlarini zaytun moyi, shabraq va shunga oʻxshashlar bilan moylar. Eriga motam tutgan ayol uzuk, oyoq halqasi va boshqa hech qanday taqinchoq taqmaydi; qalin asb (matosi) boʻlmasa, asbdan tikilgan narsani kiymaydi; qora rangdan boshqa hech qanaqa boʻyoqda boʻyalgan kiyimni kiymaydi; sochini faqat sidr va shunga oʻxshash — boshini boʻyamaydigan narsalar bilan taraydi».Нофеъ (раҳимаҳуллоҳ)дан ривоят қилинадики, Сафийя бинт Абу Убайд эри Абдуллоҳ ибн Умар (розияллоҳу анҳумо)га мотам тутаётган чоғида кўзлари оғриди, аммо у кўзлари деярли йиринг боғлагунча сурма қўймади. Молик айтди: «Эри вафот этган аёл, агар (дорида) атир бўлмаса, кўзларини зайтун мойи, шабрақ ва шунга ўхшашлар билан мойлар. Эрига мотам тутган аёл узук, оёқ ҳалқаси ва бошқа ҳеч қандай тақинчоқ тақмайди; қалин асб (матоси) бўлмаса, асбдан тикилган нарсани киймайди; қора рангдан бошқа ҳеч қанақа бўёқда бўялган кийимни киймайди; сочини фақат сидр ва шунга ўхшаш — бошини бўямайдиган нарсалар билан тарайди».