Yahyo menga Molikdan, u Savr ibn Zayd ad-Diliydan rivoyat qilishicha, u shunday dedi: Menga yetib kelishicha, Rasululloh ﷺ: «Qaysi bir uy yoki yer johiliyatda taqsim qilingan boʻlsa, u johiliyat taqsimoti boʻyicha (qoladi); qaysi bir uy yoki yerni Islom (davri) topib, u hali taqsimlanmagan boʻlsa, u Islom taqsimoti boʻyicha (taqsimlanadi)», dedilar. Yahyo aytdi: Men Molikning vafot etib, Oliya va Sofilada (Madina atrofidagi joylar) mol-mulk qoldirgan kishi haqida shunday deganini eshitdim: «Yomgʻir bilan sugʻoriladigan (baʼl) yer nazh (dalv bilan sugʻoriladigan) yer bilan birga taqsimlanmaydi, magar egalari bunga rozi boʻlsa. Baʼl yer buloq (ayn) suvi bilan sugʻoriladigan yerga oʻxshasa, u bilan birga taqsimlanadi. Mol-mulk bir yerda boʻlib, ular oʻzaro yaqin joylashgan boʻlsa, ularning har biri baholanib, soʻng (vorislar) oʻrtasida taqsimlanadi. Maskanlar va uylar ham shu darajada (shunga oʻxshash)».Яҳё менга Моликдан, у Савр ибн Зайд ад-Дилийдан ривоят қилишича, у шундай деди: Менга етиб келишича, Расулуллоҳ ﷺ: «Қайси бир уй ёки ер жоҳилиятда тақсим қилинган бўлса, у жоҳилият тақсимоти бўйича (қолади); қайси бир уй ёки ерни Ислом (даври) топиб, у ҳали тақсимланмаган бўлса, у Ислом тақсимоти бўйича (тақсимланади)», дедилар. Яҳё айтди: Мен Моликнинг вафот этиб, Олия ва Софилада (Мадина атрофидаги жойлар) мол-мулк қолдирган киши ҳақида шундай деганини эшитдим: «Ёмғир билан суғориладиган (баъл) ер назҳ (далв билан суғориладиган) ер билан бирга тақсимланмайди, магар эгалари бунга рози бўлса. Баъл ер булоқ (айн) суви билан суғориладиган ерга ўхшаса, у билан бирга тақсимланади. Мол-мулк бир ерда бўлиб, улар ўзаро яқин жойлашган бўлса, уларнинг ҳар бири баҳоланиб, сўнг (ворислар) ўртасида тақсимланади. Масканлар ва уйлар ҳам шу даражада (шунга ўхшаш)».