وَحَدَّثَنِي مَالِكٌ، عَنْ يَحْيَى بْنِ سَعِيدٍ، عَنْ عُرْوَةَ بْنِ الزُّبَيْرِ، أَنَّ رَجُلاً، مِنَ الأَنْصَارِ - يُقَالُ لَهُ أُحَيْحَةُ بْنُ الْجُلاَحِ - كَانَ لَهُ عَمٌّ صَغِيرٌ هُوَ أَصْغَرُ مِنْ أُحَيْحَةَ وَكَانَ عِنْدَ أَخْوَالِهِ فَأَخَذَهُ أُحَيْحَةُ فَقَتَلَهُ فَقَالَ أَخْوَالُهُ كُنَّا أَهْلَ ثُمِّهِ وَرُمِّهِ حَتَّى إِذَا اسْتَوَى عَلَى عُمَمِهِ غَلَبَنَا حَقُّ امْرِئٍ فِي عَمِّهِ . قَالَ عُرْوَةُ فَلِذَلِكَ لاَ يَرِثُ قَاتِلٌ مَنْ قَتَلَ . قَالَ مَالِكٌ الأَمْرُ الَّذِي لاَ اخْتِلاَفَ فِيهِ عِنْدَنَا أَنَّ قَاتِلَ الْعَمْدِ لاَ يَرِثُ مِنْ دِيَةِ مَنْ قَتَلَ شَيْئًا وَلاَ مِنْ مَالِهِ وَلاَ يَحْجُبُ أَحَدًا وَقَعَ لَهُ مِيرَاثٌ وَأَنَّ الَّذِي يَقْتُلُ خَطَأً لاَ يَرِثُ مِنَ الدِّيَةِ شَيْئًا وَقَدِ اخْتُلِفَ فِي أَنْ يَرِثَ مِنْ مَالِهِ لأَنَّهُ لاَ يُتَّهَمُ عَلَى أَنَّهُ قَتَلَهُ لِيَرِثَهُ وَلِيَأْخُذَ مَالَهُ فَأَحَبُّ إِلَىَّ أَنْ يَرِثَ مِنْ مَالِهِ وَلاَ يَرِثُ مِنْ دِيَتِهِ .
Yahyo ibn Said (rahimahulloh)dan, u Urva ibn Zubayr (rahimahulloh)dan rivoyat qilishicha, Ansorlardan Uhayha ibn al-Juloh deb atalgan bir kishining Uhayhadan ham kichik, yosh amakisi bor edi; u (bola) tuppa-tugʻishgan togʻalarining oldida (tarbiyada) edi. Uhayha uni olib, oʻldirib qoʻydi. Uning togʻalari: «Biz uning ozigu-yozigʻiga (butun kichik-kattasiga) qaragan ahli edik, u ulgʻayib oyoqqa turgach, kishining oʻz amakisidagi haqqi bizdan ustun keldi (uni bizdan tortib oldi)», dedilar. Urva: «Shu sababdan qotil oʻzi oʻldirgan kishidan meros olmaydi», dedi. Molik aytdi: «Bizda ixtilofsiz amal shuki, qasddan oʻldirgan qotil oʻzi oʻldirgan kishining diyasidan ham, molidan ham hech narsa meros olmaydi, merosga haqli boʻlgan biror kishini (merosdan) toʻsmaydi ham. Xato (bexosdan) oʻldirgan kishi diyadan hech narsa meros olmaydi; molidan meros olishi haqida esa ixtilof qilingan, chunki u (kishi) meros olish va molini olish uchun uni oʻldirdi deb gumon qilinmaydi. Menga uning molidan meros olishi, ammo diyasidan meros olmasligi maʼqulroqdir».Яҳё ибн Саид (раҳимаҳуллоҳ)дан, у Урва ибн Зубайр (раҳимаҳуллоҳ)дан ривоят қилишича, Ансорлардан Уҳайҳа ибн ал-Жулоҳ деб аталган бир кишининг Уҳайҳадан ҳам кичик, ёш амакиси бор эди; у (бола) туппа-туғишган тоғаларининг олдида (тарбияда) эди. Уҳайҳа уни олиб, ўлдириб қўйди. Унинг тоғалари: «Биз унинг озигу-ёзиғига (бутун кичик-каттасига) қараган аҳли эдик, у улғайиб оёққа тургач, кишининг ўз амакисидаги ҳаққи биздан устун келди (уни биздан тортиб олди)», дедилар. Урва: «Шу сабабдан қотил ўзи ўлдирган кишидан мерос олмайди», деди. Молик айтди: «Бизда ихтилофсиз амал шуки, қасддан ўлдирган қотил ўзи ўлдирган кишининг диясидан ҳам, молидан ҳам ҳеч нарса мерос олмайди, меросга ҳақли бўлган бирор кишини (меросдан) тўсмайди ҳам. Хато (бехосдан) ўлдирган киши диядан ҳеч нарса мерос олмайди; молидан мерос олиши ҳақида эса ихтилоф қилинган, чунки у (киши) мерос олиш ва молини олиш учун уни ўлдирди деб гумон қилинмайди. Менга унинг молидан мерос олиши, аммо диясидан мерос олмаслиги маъқулроқдир».