وَحَدَّثَنِي عَنْ مَالِكٍ، عَنْ مُحَمَّدِ بْنِ عَمْرِو بْنِ حَلْحَلَةَ، عَنْ حُمَيْدِ بْنِ مَالِكِ بْنِ خُثَيْمٍ، أَنَّهُ قَالَ كُنْتُ جَالِسًا مَعَ أَبِي هُرَيْرَةَ بِأَرْضِهِ بِالْعَقِيقِ فَأَتَاهُ قَوْمٌ مِنْ أَهْلِ الْمَدِينَةِ عَلَى دَوَابَّ فَنَزَلُوا عِنْدَهُ - قَالَ حُمَيْدٌ - فَقَالَ أَبُو هُرَيْرَةَ اذْهَبْ إِلَى أُمِّي فَقُلْ إِنَّ ابْنَكِ يُقْرِئُكِ السَّلاَمَ وَيَقُولُ أَطْعِمِينَا شَيْئًا . قَالَ فَوَضَعَتْ ثَلاَثَةَ أَقْرَاصٍ فِي صَحْفَةٍ وَشَيْئًا مِنْ زَيْتٍ وَمِلْحٍ ثُمَّ وَضَعَتْهَا عَلَى رَأْسِي وَحَمَلْتُهَا إِلَيْهِمْ فَلَمَّا وَضَعْتُهَا بَيْنَ أَيْدِيهِمْ كَبَّرَ أَبُو هُرَيْرَةَ وَقَالَ الْحَمْدُ لِلَّهِ الَّذِي أَشْبَعَنَا مِنَ الْخُبْزِ بَعْدَ أَنْ لَمْ يَكُنْ طَعَامُنَا إِلاَّ الأَسْوَدَيْنِ الْمَاءَ وَالتَّمْرَ . فَلَمْ يُصِبِ الْقَوْمُ مِنَ الطَّعَامِ شَيْئًا فَلَمَّا انْصَرَفُوا قَالَ يَا ابْنَ أَخِي أَحْسِنْ إِلَى غَنَمِكَ وَامْسَحِ الرُّعَامَ عَنْهَا وَأَطِبْ مُرَاحَهَا وَصَلِّ فِي نَاحِيَتِهَا فَإِنَّهَا مِنْ دَوَابِّ الْجَنَّةِ وَالَّذِي نَفْسِي بِيَدِهِ لَيُوشِكُ أَنْ يَأْتِيَ عَلَى النَّاسِ زَمَانٌ تَكُونُ الثُّلَّةُ مِنَ الْغَنَمِ أَحَبَّ إِلَى صَاحِبِهَا مِنْ دَارِ مَرْوَانَ .
Humayd ibn Molik ibn Xusaym (rahimahulloh)dan rivoyat qilinadiki, u dedi: «Men Abu Hurayra (roziyallohu anhu) bilan uning Aqiqdagi yerida oʻtirgan edim. Uning oldiga Madina ahlidan bir qavm ulovlarda kelib, uning huzuriga tushdilar». Humayd aytdi: «Abu Hurayra (menga): ‹Onamning oldiga borib: ‹Oʻgʻling senga salom aytmoqda va: bizga biror narsa yedirgin, demoqda›, degin›, dedi. U (onasi) bir tovoqqa uchta patir non, bir oz zaytun (yogʻi) va tuz qoʻydi, soʻng uni boshimga qoʻydi va men uni ularga (koʻtarib) olib bordim. Uni ularning oldiga qoʻyganimda, Abu Hurayra takbir aytib: ‹Bizni non bilan toʻydirgan Allohga hamd boʻlsin! Vaholanki, oldin bizning taomimiz ikki qora — suv va xurmodan boshqa narsa emas edi›, dedi». (Humayd davom etib aytdi) — oʻsha qavm taomdan hech narsa yemadi — «(mehmonlar) ketishganda, u (Abu Hurayra): ‹Ey ogʻam oʻgʻli, qoʻyingga yaxshi qara, undan (burun) shilligʻini artib tur, uning qoʻrasini pokiza tut va uning atrofida namoz oʻqi, chunki ular jannat jonivorlaridandir. Jonim (qoʻlida) boʻlgan Zotga qasamki, odamlarga shunday bir zamon kelishi yaqinki, unda bir toʻda qoʻy egasiga Marvonning saroyidan koʻra sevimliroq boʻladi›, dedi».Ҳумайд ибн Молик ибн Хусайм (раҳимаҳуллоҳ)дан ривоят қилинадики, у деди: «Мен Абу Ҳурайра (розияллоҳу анҳу) билан унинг Ақиқдаги ерида ўтирган эдим. Унинг олдига Мадина аҳлидан бир қавм уловларда келиб, унинг ҳузурига тушдилар». Ҳумайд айтди: «Абу Ҳурайра (менга): ‹Онамнинг олдига бориб: ‹Ўғлинг сенга салом айтмоқда ва: бизга бирор нарса едиргин, демоқда›, дегин›, деди. У (онаси) бир товоққа учта патир нон, бир оз зайтун (ёғи) ва туз қўйди, сўнг уни бошимга қўйди ва мен уни уларга (кўтариб) олиб бордим. Уни уларнинг олдига қўйганимда, Абу Ҳурайра такбир айтиб: ‹Бизни нон билан тўйдирган Аллоҳга ҳамд бўлсин! Ваҳоланки, олдин бизнинг таомимиз икки қора — сув ва хурмодан бошқа нарса эмас эди›, деди». (Ҳумайд давом этиб айтди) — ўша қавм таомдан ҳеч нарса емади — «(меҳмонлар) кетишганда, у (Абу Ҳурайра): ‹Эй оғам ўғли, қўйингга яхши қара, ундан (бурун) шиллиғини артиб тур, унинг қўрасини покиза тут ва унинг атрофида намоз ўқи, чунки улар жаннат жониворларидандир. Жоним (қўлида) бўлган Зотга қасамки, одамларга шундай бир замон келиши яқинки, унда бир тўда қўй эгасига Марвоннинг саройидан кўра севимлироқ бўлади›, деди».