Umayma bint Ruqayqa (roziyallohu anho)dan rivoyat qilinadiki, u shunday dedi: Men Rasululloh ﷺ oldilariga u zotga Islom ustiga bayʼat bergan bir necha ayollar qatorida keldim. Ular: «Yo Rasululloh, biz sizga Allohga hech narsani sherik keltirmaslik, oʻgʻirlik qilmaslik, zino qilmaslik, farzandlarimizni oʻldirmaslik, qoʻl va oyoqlarimiz oʻrtasida oʻzimiz toʻqib chiqargan bironta bohton (tuhmat) keltirmaslik va maʼruf (yaxshi ish)da sizga isyon qilmaslik ustiga bayʼat beramiz», dedilar. Shunda Rasululloh ﷺ: «Qodir va toqatingiz yetgan narsada», dedilar. U (ayol) dedi: «Ular: ‹Alloh va Uning Rasuli bizga oʻzimizdan koʻra rahmliroqdir. Keling, sizga bayʼat beraylik, yo Rasululloh!› dedilar. Rasululloh ﷺ: ‹Men ayollar bilan qoʻl berib koʻrishmayman. Yuz ayolga aytgan soʻzim bir ayolga aytgan soʻzim kabidir›, dedilar».Умайма бинт Руқайқа (розияллоҳу анҳо)дан ривоят қилинадики, у шундай деди: Мен Расулуллоҳ ﷺ олдиларига у зотга Ислом устига байъат берган бир неча аёллар қаторида келдим. Улар: «Ё Расулуллоҳ, биз сизга Аллоҳга ҳеч нарсани шерик келтирмаслик, ўғирлик қилмаслик, зино қилмаслик, фарзандларимизни ўлдирмаслик, қўл ва оёқларимиз ўртасида ўзимиз тўқиб чиқарган биронта боҳтон (туҳмат) келтирмаслик ва маъруф (яхши иш)да сизга исён қилмаслик устига байъат берамиз», дедилар. Шунда Расулуллоҳ ﷺ: «Қодир ва тоқатингиз етган нарсада», дедилар. У (аёл) деди: «Улар: ‹Аллоҳ ва Унинг Расули бизга ўзимиздан кўра раҳмлироқдир. Келинг, сизга байъат берайлик, ё Расулуллоҳ!› дедилар. Расулуллоҳ ﷺ: ‹Мен аёллар билан қўл бериб кўришмайман. Юз аёлга айтган сўзим бир аёлга айтган сўзим кабидир›, дедилар».