Abu Suhayl ibn Molikdan, u otasidan rivoyat qilinadiki, u Talha ibn Ubaydulloh (roziyallohu anhu)ning shunday deganini eshitdi: «Rasululloh ﷺ ning huzurlariga Najd ahlidan bir kishi keldi — sochlari toʻzgʻigan, ovozining govur-govuri eshitilar, biroq nima deyayotganini anglamas edik, toki yaqinlashdi. Qarasak, u Islom haqida soʻrayotgan ekan. Rasululloh ﷺ unga: ‹Kecha-kunduzda besh vaqt namoz (bor)›, dedilar. U: ‹Menga bulardan boshqasi (farzmi)?› dedi. U zot: ‹Yoʻq, faqat nafl (ixtiyoriy) qilsang (boshqa gap)›, dedilar. Rasululloh ﷺ: ‹Va Ramazon oyida roʻza tutmoq›, dedilar. U: ‹Menga bundan boshqasi (farzmi)?› dedi. U zot: ‹Yoʻq, faqat nafl qilsang›, dedilar. Soʻng Rasululloh ﷺ zakotni tilga oldilar. U: ‹Menga bundan boshqasi (farzmi)?› dedi. U zot: ‹Yoʻq, faqat nafl qilsang›, dedilar. Soʻng u kishi: ‹Allohga qasamki, bunga ziyoda ham qilmayman, undan kamaytirmayman ham›, deya ortga qaytdi. Shunda Rasululloh ﷺ: ‹Agar rost soʻzlagan boʻlsa, bu kishi najot topdi›, dedilar».Абу Суҳайл ибн Моликдан, у отасидан ривоят қилинадики, у Талҳа ибн Убайдуллоҳ (розияллоҳу анҳу)нинг шундай деганини эшитди: «Расулуллоҳ ﷺ нинг ҳузурларига Нажд аҳлидан бир киши келди — сочлари тўзғиган, овозининг говур-говури эшитилар, бироқ нима деяётганини англамас эдик, токи яқинлашди. Қарасак, у Ислом ҳақида сўраётган экан. Расулуллоҳ ﷺ унга: ‹Кеча-кундузда беш вақт намоз (бор)›, дедилар. У: ‹Менга булардан бошқаси (фарзми)?› деди. У зот: ‹Йўқ, фақат нафл (ихтиёрий) қилсанг (бошқа гап)›, дедилар. Расулуллоҳ ﷺ: ‹Ва Рамазон ойида рўза тутмоқ›, дедилар. У: ‹Менга бундан бошқаси (фарзми)?› деди. У зот: ‹Йўқ, фақат нафл қилсанг›, дедилар. Сўнг Расулуллоҳ ﷺ закотни тилга олдилар. У: ‹Менга бундан бошқаси (фарзми)?› деди. У зот: ‹Йўқ, фақат нафл қилсанг›, дедилар. Сўнг у киши: ‹Аллоҳга қасамки, бунга зиёда ҳам қилмайман, ундан камайтирмайман ҳам›, дея ортга қайтди. Шунда Расулуллоҳ ﷺ: ‹Агар рост сўзлаган бўлса, бу киши нажот топди›, дедилар».