Mugʻiyra ibn Shuʼba (roziyallohu anhu)dan rivoyat qilinadi: Men safarda Nabiy ﷺ bilan birga edim. U zot: «Ortda qol, ey Mugʻiyra! Sizlar esa yuringlar, ey odamlar!» dedilar. Men ortda qoldim, yonimda bir idish suv bor edi, odamlar esa yurib ketishdi. Rasululloh ﷺ hojatlarini chiqarish uchun ketdilar. Qaytib kelganlarida men u zotning ustlariga suv quya boshladim. U zotning ustlarida yengi tor rumiy jubba bor edi. U zot qoʻllarini undan chiqarmoqchi boʻldilar, ammo yeng tor kelib qoldi, shunda qoʻllarini jubbaning tagidan chiqardilar. Soʻng yuzlari va ikki qoʻllarini yuvdilar, boshlariga mash tortdilar va ikki mahsilariga mash tortdilar.Муғийра ибн Шуъба (розияллоҳу анҳу)дан ривоят қилинади: Мен сафарда Набий ﷺ билан бирга эдим. У зот: «Ортда қол, эй Муғийра! Сизлар эса юринглар, эй одамлар!» дедилар. Мен ортда қолдим, ёнимда бир идиш сув бор эди, одамлар эса юриб кетишди. Расулуллоҳ ﷺ ҳожатларини чиқариш учун кетдилар. Қайтиб келганларида мен у зотнинг устларига сув қуя бошладим. У зотнинг устларида енги тор румий жубба бор эди. У зот қўлларини ундан чиқармоқчи бўлдилар, аммо енг тор келиб қолди, шунда қўлларини жуббанинг тагидан чиқардилар. Сўнг юзлари ва икки қўлларини ювдилар, бошларига маш тортдилар ва икки маҳсиларига маш тортдилар.