Voil ibn Hujr (roziyallohu anhu)dan rivoyat qilinadi: «Rasululloh ﷺning namozlarini, qanday oʻqishlarini albatta kuzataman», dedim. Bas, u zotga qaradim: turib takbir aytdilar va ikki qoʻllarini quloqlari barobariga kelgunicha koʻtardilar. Soʻng oʻng qoʻllarini chap kaftlari, bilaguzugi va soʻzagi ustiga qoʻydilar. Rukuʼga bormoqchi boʻlganlarida qoʻllarini yana shundayin koʻtardilar va qoʻllarini tizzalari ustiga qoʻydilar. Soʻng bosh koʻtarganlarida qoʻllarini yana shundayin koʻtardilar. Soʻng sajda qildilar va kaftlarini quloqlari barobariga qoʻydilar. Soʻng oʻtirib, chap oyoqlarini yozdilar va chap kaftlarini chap sonlari hamda tizzalari ustiga qoʻydilar, oʻng tirsaklari uchini oʻng sonlari ustiga qoʻydilar. Soʻng barmoqlaridan ikkitasini yumib, halqa qildilar, soʻng barmoqlarini koʻtardilar. Men u zotni uni harakatlantirib, u bilan duo qilayotganlarini koʻrdim.Воил ибн Ҳужр (розияллоҳу анҳу)дан ривоят қилинади: «Расулуллоҳ ﷺнинг намозларини, қандай ўқишларини албатта кузатаман», дедим. Бас, у зотга қарадим: туриб такбир айтдилар ва икки қўлларини қулоқлари баробарига келгунича кўтардилар. Сўнг ўнг қўлларини чап кафтлари, билагузуги ва сўзаги устига қўйдилар. Рукуъга бормоқчи бўлганларида қўлларини яна шундайин кўтардилар ва қўлларини тиззалари устига қўйдилар. Сўнг бош кўтарганларида қўлларини яна шундайин кўтардилар. Сўнг сажда қилдилар ва кафтларини қулоқлари баробарига қўйдилар. Сўнг ўтириб, чап оёқларини ёздилар ва чап кафтларини чап сонлари ҳамда тиззалари устига қўйдилар, ўнг тирсаклари учини ўнг сонлари устига қўйдилар. Сўнг бармоқларидан иккитасини юмиб, ҳалқа қилдилар, сўнг бармоқларини кўтардилар. Мен у зотни уни ҳаракатлантириб, у билан дуо қилаётганларини кўрдим.