Uqba ibn Amr (roziyallohu anhu)dan rivoyat qilinadi: «Sizlarga Rasululloh ﷺ ni namoz oʻqiganini koʻrganimdek namoz oʻqib bermayinmi?» dedi. Biz: «Ha», dedik. Shunda u turdi. Rukuʼ qilganida kaftlarini tizzalariga qoʻydi, barmoqlarini tizzalarining orqasiga qildi va tanasining har bir aʼzosi qaror topgunicha qoʻltiqlarini yonlaridan uzoqlashtirdi. Soʻng boshini koʻtarib, tanasining har bir aʼzosi tik boʻlgunicha turdi. Soʻng sajda qildi va tanasining har bir aʼzosi qaror topgunicha qoʻltiqlarini uzoqlashtirdi. Soʻng tanasining har bir aʼzosi qaror topgunicha oʻtirdi. Soʻng yana tanasining har bir aʼzosi qaror topgunicha sajda qildi. Soʻng toʻrt rakaatni mana shunday oʻqidi. Keyin: «Men Rasululloh ﷺ ni shunday namoz oʻqiganini koʻrdim va u zot bizga shunday namoz oʻqib berardilar», dedi.Уқба ибн Амр (розияллоҳу анҳу)дан ривоят қилинади: «Сизларга Расулуллоҳ ﷺ ни намоз ўқиганини кўрганимдек намоз ўқиб бермайинми?» деди. Биз: «Ҳа», дедик. Шунда у турди. Рукуъ қилганида кафтларини тиззаларига қўйди, бармоқларини тиззаларининг орқасига қилди ва танасининг ҳар бир аъзоси қарор топгунича қўлтиқларини ёнларидан узоқлаштирди. Сўнг бошини кўтариб, танасининг ҳар бир аъзоси тик бўлгунича турди. Сўнг сажда қилди ва танасининг ҳар бир аъзоси қарор топгунича қўлтиқларини узоқлаштирди. Сўнг танасининг ҳар бир аъзоси қарор топгунича ўтирди. Сўнг яна танасининг ҳар бир аъзоси қарор топгунича сажда қилди. Сўнг тўрт ракаатни мана шундай ўқиди. Кейин: «Мен Расулуллоҳ ﷺ ни шундай намоз ўқиганини кўрдим ва у зот бизга шундай намоз ўқиб берардилар», деди.