Abu Dardo (roziyallohu anhu)dan rivoyat qilinadi: Rasululloh ﷺ namoz oʻqishga turdilar. Biz u zotning: «Sendan Allohdan panoh soʻrayman», deganlarini eshitdik. Soʻng uch marta: «Seni Allohning laʼnati bilan laʼnatlayman», dedilar va qoʻllarini xuddi biror narsani olmoqchidek choʻzdilar. U zot namozdan chiqqanlaridan soʻng: «Ey Allohning Rasuli, biz sizning namozda ilgari eshitmagan bir narsani aytganingizni eshitdik va qoʻlingizni choʻzganingizni koʻrdik», dedik. U zot: «Allohning dushmani Iblis olovdan bir shuʼla bilan uni yuzimga tashlamoqchi boʻlib keldi. Shunda men uch marta: ‹Sendan Allohdan panoh soʻrayman›, dedim, soʻng: ‹Seni Allohning laʼnati bilan laʼnatlayman›, dedim, lekin u uch marta ortga chekinmadi. Soʻng uni ushlamoqchi boʻldim. Allohga qasamki, agar birodarimiz Sulaymonning duosi boʻlmaganida edi, u shu bogʻlangan holda ertalab Madina bolalari oʻ ynaydigan boʻlib qolardi», dedilar.Абу Дардо (розияллоҳу анҳу)дан ривоят қилинади: Расулуллоҳ ﷺ намоз ўқишга турдилар. Биз у зотнинг: «Сендан Аллоҳдан паноҳ сўрайман», деганларини эшитдик. Сўнг уч марта: «Сени Аллоҳнинг лаънати билан лаънатлайман», дедилар ва қўлларини худди бирор нарсани олмоқчидек чўздилар. У зот намоздан чиққанларидан сўнг: «Эй Аллоҳнинг Расули, биз сизнинг намозда илгари эшитмаган бир нарсани айтганингизни эшитдик ва қўлингизни чўзганингизни кўрдик», дедик. У зот: «Аллоҳнинг душмани Иблис оловдан бир шуъла билан уни юзимга ташламоқчи бўлиб келди. Шунда мен уч марта: ‹Сендан Аллоҳдан паноҳ сўрайман›, дедим, сўнг: ‹Сени Аллоҳнинг лаънати билан лаънатлайман›, дедим, лекин у уч марта ортга чекинмади. Сўнг уни ушламоқчи бўлдим. Аллоҳга қасамки, агар биродаримиз Сулаймоннинг дуоси бўлмаганида эди, у шу боғланган ҳолда эрталаб Мадина болалари ў йнайдиган бўлиб қоларди», дедилар.