Voil ibn Hujr (roziyallohu anhu)dan rivoyat qilinadi: Men: «Rasululloh ﷺ ning namozlariga, qanday namoz oʻqishlariga albatta qarayman», dedim. Shunda Rasululloh ﷺ turib qiblaga yuzlandilar va qoʻllarini quloqlari roʻparasiga yetguncha koʻtardilar, soʻng chap qoʻllarini oʻng qoʻllari bilan ushladilar. Rukuga borishni istaganlarida ham ularni xuddi shunday koʻtarib, qoʻllarini tizzalari ustiga qoʻydilar. Boshlarini rukudan koʻtarganlarida ham ularni xuddi shunday koʻtardilar. Sajda qilganlarida boshlarini shu ikki qoʻllari orasidagi joyga qoʻydilar. Soʻng oʻtirib chap oyoqlarini yotqizdilar, chap qoʻllarini chap sonlarining ustiga qoʻydilar, oʻng tirsaklarining qirrasini oʻng sonlarining ustiga qoʻydilar, ikki barmoqlarini yigʻib halqa qildilar. Men u zotning shunday qilayotganlarini koʻrdim.Воил ибн Ҳужр (розияллоҳу анҳу)дан ривоят қилинади: Мен: «Расулуллоҳ ﷺ нинг намозларига, қандай намоз ўқишларига албатта қарайман», дедим. Шунда Расулуллоҳ ﷺ туриб қиблага юзландилар ва қўлларини қулоқлари рўпарасига етгунча кўтардилар, сўнг чап қўлларини ўнг қўллари билан ушладилар. Рукуга боришни истаганларида ҳам уларни худди шундай кўтариб, қўлларини тиззалари устига қўйдилар. Бошларини рукудан кўтарганларида ҳам уларни худди шундай кўтардилар. Сажда қилганларида бошларини шу икки қўллари орасидаги жойга қўйдилар. Сўнг ўтириб чап оёқларини ётқиздилар, чап қўлларини чап сонларининг устига қўйдилар, ўнг тирсакларининг қиррасини ўнг сонларининг устига қўйдилар, икки бармоқларини йиғиб ҳалқа қилдилар. Мен у зотнинг шундай қилаётганларини кўрдим.