Anas (roziyallohu anhu)dan rivoyat qilinadi: Biz Makka bilan Madina orasida Umar bilan birga edik. U bizga Badr ahli haqida gapira boshlab, dedi: «Rasululloh ﷺ kunlarning birida bizga ularning halok boʻladigan joylarini koʻrsatib: ‹Bu — Alloh xohlasa, ertaga falonchi halok boʻladigan joy›, degan edilar». Umar dedi: «Uni haq bilan yuborgan Zotga qasamki, ular oʻsha (belgilangan) joylardan sira adashmadilar». Soʻng ular (halok boʻlgach) bir quduqqa tashlandilar. Nabiy ﷺ ularning oldiga kelib: «Ey falonchining oʻgʻli falonchi! Ey falonchining oʻgʻli falonchi! Rabbingiz vaʼda qilgan narsani haq deb topdingizmi? Men Alloh menga vaʼda qilgan narsani haq deb topdim», deb nido qildilar. Umar: «Siz ruhi yoʻq jasadlarga gapiryapsizmi?» dedi. Shunda u zot: «Sizlar men aytayotgan gapni ulardan koʻra yaxshiroq eshituvchi emassizlar», dedilar.Анас (розияллоҳу анҳу)дан ривоят қилинади: Биз Макка билан Мадина орасида Умар билан бирга эдик. У бизга Бадр аҳли ҳақида гапира бошлаб, деди: «Расулуллоҳ ﷺ кунларнинг бирида бизга уларнинг ҳалок бўладиган жойларини кўрсатиб: ‹Бу — Аллоҳ хоҳласа, эртага фалончи ҳалок бўладиган жой›, деган эдилар». Умар деди: «Уни ҳақ билан юборган Зотга қасамки, улар ўша (белгиланган) жойлардан сира адашмадилар». Сўнг улар (ҳалок бўлгач) бир қудуққа ташландилар. Набий ﷺ уларнинг олдига келиб: «Эй фалончининг ўғли фалончи! Эй фалончининг ўғли фалончи! Раббингиз ваъда қилган нарсани ҳақ деб топдингизми? Мен Аллоҳ менга ваъда қилган нарсани ҳақ деб топдим», деб нидо қилдилар. Умар: «Сиз руҳи йўқ жасадларга гапиряпсизми?» деди. Шунда у зот: «Сизлар мен айтаётган гапни улардан кўра яхшироқ эшитувчи эмассизлар», дедилар.