Abdulloh ibn Amr (roziyallohu anhumo)dan rivoyat qilinadi: Rasululloh ﷺ: «Menga yetib keldiki, sen kechasi qiyom qilib, kunduzi roʻza tutar ekansan», dedilar. Men: «Yo Rasululloh, men bu bilan faqat yaxshilikni koʻzladim», dedim. U zot: «Butun umr roʻza tutgan kishi roʻza tutgan boʻlmaydi. Lekin men senga umr davomida roʻza tutish nima ekanini koʻrsatay: har oyda uch kun roʻza tutishdir», dedilar. Men: «Yo Rasululloh, men bundan koʻprogʻiga qodirman», dedim. U zot: «Besh kun roʻza tut», dedilar. Men: «Men bundan koʻprogʻiga qodirman», dedim. U zot: «Unday boʻlsa oʻn kun roʻza tut», dedilar. Men: «Men bundan koʻprogʻiga qodirman», dedim. U zot: «Dovud alayhissalomning roʻzasini tut: u bir kun roʻza tutib, bir kun iftor qilar edi», dedilar.Абдуллоҳ ибн Амр (розияллоҳу анҳумо)дан ривоят қилинади: Расулуллоҳ ﷺ: «Менга етиб келдики, сен кечаси қиём қилиб, кундузи рўза тутар экансан», дедилар. Мен: «Ё Расулуллоҳ, мен бу билан фақат яхшиликни кўзладим», дедим. У зот: «Бутун умр рўза тутган киши рўза тутган бўлмайди. Лекин мен сенга умр давомида рўза тутиш нима эканини кўрсатай: ҳар ойда уч кун рўза тутишдир», дедилар. Мен: «Ё Расулуллоҳ, мен бундан кўпроғига қодирман», дедим. У зот: «Беш кун рўза тут», дедилар. Мен: «Мен бундан кўпроғига қодирман», дедим. У зот: «Ундай бўлса ўн кун рўза тут», дедилар. Мен: «Мен бундан кўпроғига қодирман», дедим. У зот: «Довуд алайҳиссаломнинг рўзасини тут: у бир кун рўза тутиб, бир кун ифтор қилар эди», дедилар.