Hasan (rahimahulloh)dan rivoyat qilinadi: Ibn Abbos (roziyallohu anhumo) Basrada xutba qilib: «Roʻzangiz zakotini adogʻ etinglar», dedi. Odamlar bir-birlariga qaray boshladilar. Shunda u: «Bu yerda madinaliklardan kim bor? Birodarlaringiz oldiga turinglar-da, ularga oʻrgatinglar, chunki ular bilmaydilar. Albatta Rasululloh ﷺ kichik va katta, hur va qul, erkak va ayolga bugʻdoydan yarim soʻ, yo xurmo yoki arpadan bir soʻ fitr sadaqasini farz qilganlar», dedi. Hasan aytdi: Shunda Ali (roziyallohu anhu): «Alloh kengchilik bergan ekan, siz ham keng qilinglar, bugʻdoy yoki boshqasidan bir soʻ beringlar», dedi.Ҳасан (раҳимаҳуллоҳ)дан ривоят қилинади: Ибн Аббос (розияллоҳу анҳумо) Басрада хутба қилиб: «Рўзангиз закотини адоғ этинглар», деди. Одамлар бир-бирларига қарай бошладилар. Шунда у: «Бу ерда мадиналиклардан ким бор? Биродарларингиз олдига туринглар-да, уларга ўргатинглар, чунки улар билмайдилар. Албатта Расулуллоҳ ﷺ кичик ва катта, ҳур ва қул, эркак ва аёлга буғдойдан ярим сў, ё хурмо ёки арпадан бир сў фитр садақасини фарз қилганлар», деди. Ҳасан айтди: Шунда Али (розияллоҳу анҳу): «Аллоҳ кенгчилик берган экан, сиз ҳам кенг қилинглар, буғдой ёки бошқасидан бир сў беринглар», деди.