Abu Hurayra (roziyallohu anhu)dan rivoyat qilinadi: Rasululloh ﷺ odamlarga xutba qilib: «Albatta, Alloh azza va jalla sizlarga hajni farz qildi», dedilar. Shunda bir kishi: «Har yilimi?» dedi. U zot jim turdilar, hatto haligi kishi savolini uch marta takrorladi. Keyin: «Agar ‹ha› desam, farz boʻlib qolar edi, agar farz boʻlsa, uni ado eta olmas edingiz. Sizni oʻz holingizga qoʻygan ekanman, meni oʻz holimga qoʻyinglar. Sizdan avvalgilar koʻp savol berganlari va oʻz paygʻambarlariga qarshi ixtilof qilganlari sababli halok boʻlishgan. Sizni bir narsaga buyursam, undan qoʻlingizdan kelganicha bajaringlar, bir narsadan qaytarsam, undan uzoqlashinglar», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ одамларга хутба қилиб: «Албатта, Аллоҳ азза ва жалла сизларга ҳажни фарз қилди», дедилар. Шунда бир киши: «Ҳар йилими?» деди. У зот жим турдилар, ҳатто ҳалиги киши саволини уч марта такрорлади. Кейин: «Агар ‹ҳа› десам, фарз бўлиб қолар эди, агар фарз бўлса, уни адо эта олмас эдингиз. Сизни ўз ҳолингизга қўйган эканман, мени ўз ҳолимга қўйинглар. Сиздан аввалгилар кўп савол берганлари ва ўз пайғамбарларига қарши ихтилоф қилганлари сабабли ҳалок бўлишган. Сизни бир нарсага буюрсам, ундан қўлингиздан келганича бажаринглар, бир нарсадан қайтарсам, ундан узоқлашинглар», дедилар.