Bahziy (roziyallohu anhu)dan rivoyat qilinadiki, Rasululloh ﷺ ihromda Makkaga qarab yoʻlga chiqdilar. Ravhoga yetganlarida, tuyoqdan urilgan yovvoyi eshak koʻrildi. Bu haqda Rasululloh ﷺga aytilganida, u zot: «Uni qoʻyib yuboringlar, tez orada egasi keladi», dedilar. Shunda uning egasi boʻlgan Bahziy Rasululloh ﷺ huzuriga kelib: «Yo Rasululloh, bu eshak sizlarniki», dedi. Rasululloh ﷺ Abu Bakrga buyurdilar, u esa uni hamrohlar oʻrtasida taqsimladi. Soʻng yurib, Ruvaysa bilan Arj oraligʻidagi Usoyaga yetganlarida, soya ostida yotgan, tanasida oʻq boʻlgan bir kiyikni koʻrdilar. Rasululloh ﷺ bir kishiga uning yonida turishni va odamlardan hech kim uni bezovta qilmasligini, hammalari oʻtib ketguncha turishni buyurdilar.Баҳзий (розияллоҳу анҳу)дан ривоят қилинадики, Расулуллоҳ ﷺ иҳромда Маккага қараб йўлга чиқдилар. Равҳога етганларида, туёқдан урилган ёввойи эшак кўрилди. Бу ҳақда Расулуллоҳ ﷺга айтилганида, у зот: «Уни қўйиб юборинглар, тез орада эгаси келади», дедилар. Шунда унинг эгаси бўлган Баҳзий Расулуллоҳ ﷺ ҳузурига келиб: «Ё Расулуллоҳ, бу эшак сизларники», деди. Расулуллоҳ ﷺ Абу Бакрга буюрдилар, у эса уни ҳамроҳлар ўртасида тақсимлади. Сўнг юриб, Рувайса билан Арж оралиғидаги Усояга етганларида, соя остида ётган, танасида ўқ бўлган бир кийикни кўрдилар. Расулуллоҳ ﷺ бир кишига унинг ёнида туришни ва одамлардан ҳеч ким уни безовта қилмаслигини, ҳаммалари ўтиб кетгунча туришни буюрдилар.