Jabr (roziyallohu anhu)dan rivoyat qilinadi: Rasululloh ﷺ Jabrni (kasal boʻlganida) ziyorat qildilar. U zot kirganlarida ayollarning yigʻlab: «Biz sening vafotingni Alloh yoʻlida shahid boʻlish deb hisoblardik», deyayotganlarini eshitdilar. Shunda: «Siz shahidlikni faqat Alloh yoʻlida oʻldirilgan kishi deb bilasizlarmi? Unday boʻlsa, shahidlaringiz oz boʻlar edi. Alloh yoʻlida oʻldirilish shahidlik, qorin (kasalligidan oʻlish) shahidlik, yonib oʻlish shahidlik, gʻarq boʻlish shahidlik, (uy qulab) bosilib oʻlish shahidlik, zotiljam (oʻpka kasalligi)dan oʻlish shahidlik, ayolning tugʻruqda oʻlishi shahidlikdir», dedilar. Bir kishi: «Rasululloh ﷺ oʻtirgan hollarida yigʻlaysizlarmi?» dedi. U zot: «Ularni qoʻyaver, (ular yigʻlayversin). Ammo (oʻlim) roʻyobga chiqqach, hech bir yigʻlovchi unga yigʻlamasin», dedilar.Жабр (розияллоҳу анҳу)дан ривоят қилинади: Расулуллоҳ ﷺ Жабрни (касал бўлганида) зиёрат қилдилар. У зот кирганларида аёлларнинг йиғлаб: «Биз сенинг вафотингни Аллоҳ йўлида шаҳид бўлиш деб ҳисоблардик», деяётганларини эшитдилар. Шунда: «Сиз шаҳидликни фақат Аллоҳ йўлида ўлдирилган киши деб биласизларми? Ундай бўлса, шаҳидларингиз оз бўлар эди. Аллоҳ йўлида ўлдирилиш шаҳидлик, қорин (касаллигидан ўлиш) шаҳидлик, ёниб ўлиш шаҳидлик, ғарқ бўлиш шаҳидлик, (уй қулаб) босилиб ўлиш шаҳидлик, зотилжам (ўпка касаллиги)дан ўлиш шаҳидлик, аёлнинг туғруқда ўлиши шаҳидликдир», дедилар. Бир киши: «Расулуллоҳ ﷺ ўтирган ҳолларида йиғлайсизларми?» деди. У зот: «Уларни қўявер, (улар йиғлайверсин). Аммо (ўлим) рўёбга чиққач, ҳеч бир йиғловчи унга йиғламасин», дедилар.