Oisha (roziyallohu anho)dan rivoyat qilinadi: Rasululloh ﷺga xotinlarini (oʻz ixtiyorlariga qoʻyib) tanlash imkonini berish buyurilganida, mendan boshladilar-da: «Men senga bir narsani aytaman, ota-onang bilan maslahatlashmaguningcha shoshilmasang, senga zarari yoʻq», dedilar. (Oisha) dedi: «Ular ota-onam meni u zotdan ajralishga buyurmasliklarini yaxshi bilardilar». Soʻng u zot bu oyatni tilovat qildilar: {Ey Nabiy! Xotinlaringga ayt: agar sizlar dunyo hayotini va uning zebu ziynatini istasangiz...} degan {...chiroyli suratda (qoʻyib yuboraman)} soʻzlarigacha. Shunda men: «Shu haqda ota-onam bilan maslahatlashamanmi? Men Alloh azza va jallani, Uning Rasulini va oxirat diyorini istayman», dedim. Oisha dedi: «Soʻng Nabiy ﷺning xotinlari ham men qilgandek qildilar. Bu esa taloq boʻlmadi, chunki ular u zotni tanladilar».Оиша (розияллоҳу анҳо)дан ривоят қилинади: Расулуллоҳ ﷺга хотинларини (ўз ихтиёрларига қўйиб) танлаш имконини бериш буюрилганида, мендан бошладилар-да: «Мен сенга бир нарсани айтаман, ота-онанг билан маслаҳатлашмагунингча шошилмасанг, сенга зарари йўқ», дедилар. (Оиша) деди: «Улар ота-онам мени у зотдан ажралишга буюрмасликларини яхши билардилар». Сўнг у зот бу оятни тиловат қилдилар: {Эй Набий! Хотинларингга айт: агар сизлар дунё ҳаётини ва унинг зебу зийнатини истасангиз...} деган {...чиройли суратда (қўйиб юбораман)} сўзларигача. Шунда мен: «Шу ҳақда ота-онам билан маслаҳатлашаманми? Мен Аллоҳ азза ва жаллани, Унинг Расулини ва охират диёрини истайман», дедим. Оиша деди: «Сўнг Набий ﷺнинг хотинлари ҳам мен қилгандек қилдилар. Бу эса талоқ бўлмади, чунки улар у зотни танладилар».